Катица Јанева ќе биде во притвор во родната Гевгелија
Објавено во: Македонија 14 Септември, 2020
Осудена е на седум години затвор, но уште е во куќен притвор. Додека Апелација не ја потврди првостепената пресуда за поранешната јавна обвинителка Катица Јанева таа ќе остане дома. Сепак веќе нема да е во Скопје. Досега престојуваше во стан кој се наоѓа во самиот центар на градот блиску до Клубот на пратеници, но отсега Јанева ќе биде во куќата во родниот град Гевгелија. Таму ќе продолжи да го издржува куќниот притвор.
Ова беше соопштено денеска во судница, кога се одложуваше рочиштето на кое Катица Јанева го тужи Боки 13 за неовластено снимање. Сепак Бојан Јовановски не се појави на судењето затоа што неодамна имаше операција на желудникот и е хоспитализиран.