Кери зборува за „Исламска држава“, но мисли за Асад

Добивај вести на Viber

Државниот секретар на САД Џон Кери изјави дека може да има потреба од воен притисок за да се избрка од власт актуелниот претседател на Сирија Башар Асад. Првиот американски дипломат во моментов е во посета на Саудиска Арабија.

„Тој загуби секаква легитимност, но ние немаме повеќе важен приоритет од уништувањето и победувањето на Даеш (арапското име на „Исламска држава“) ... На крајот ќе биде потребна комбинација од дипломатија и притисок за да се постигне политичката транзиција“, изјавил Кери за време на посетата во Саудиска Арабија.

Во исто време министерот за надворешни работи на Саудиска Арабија принцот Сауд ас Фајсал ја повика коалицијата на Вашингтон против џихадисти во Сирија и Ирак да преземе и копнени маневри. Тој додал дека кралството ја „нагласува потребата од обезбедување на воени средства потребни за изведување пред овој предизвик“.

Во своето обраќање пред новинарите Џон Кери коментирал и за преговорите за нуклеарната програма на Иран, додавајќи дека САД ја држат под око „дестабилизацијата“ и активностите на Иран, дури и кога двете страни се обидуваат да постигнат договор. „Дури и кога сме ангажирани во овие дискусии со Иран околу оваа програма, ние нема да експлодираме од иранските дестабилизирачки дејства“, изјавил Кери.