Кичеец оди во домашен притвор
Објавено во: Македонија 24 Септември, 2019
Зоран Милевски – Кичеец кој во случајот „Рекет“ е второ осомничено лице ќе биде спроведен во домашен притвор.
Ова станува јасно од денешното соопштение на Основниот кривичен суд во Скопје од каде што информираат дека „Судија на претходна постапка при Основниот кривичен суд Скопје постапувајќи по предлог на одбраната на З. М., опфатен во предметот во јавноста познат како „Рекет“, за укинување на мерката притвор и определување мерка куќен притвор од 19.09.2019, истиот го достави на мислење кај надлежен јавен обвинител. Денеска по добиено позитивно мислење од обвинителството, предлогот на одбраната да биде уважен како основан, судијата на претходна постапка, согласно Законските одредби, донесе решение со кое мерката притвор се укинува и се определува мерка куќен притвор“, се вели во соопштението .
Се додава дека обвинтиот ќе биде спроведен на издржување на мерката куќен притвор во неговиот дом со оглед на тоа дека жалбата не го одлага извршувањето, а решението е испратено до странките.