Добивај вести на Viber
Кина ќе добие удел во огромниот нафтен проект во Казахстан. Ваков договор потпиша кинескиот претседател Кси Џипинг со владата на Казахстан. Договорот е вреден пет милијарди долари и тој ќе го зголеми веќе големото влијание на Кина во Казахстан и ќе ги блокира обидите на Индија да добие удел во нафтеното поле, што е едно од најголемите откриени во последните пет децении.
Меѓу 22 договори кои се постигнати за време на посетата на кинескиот претседател во Казахстан, во вредност од околу 30 милијарди долари, постојат бројни договори за ископување на нафта и гас.
Казахстан на Кина и продаде 8,33 отсто од акциите во домашните нафтени полиња за сума од пет милијарди долари. За возврат, Кина ќе им помогне во обезбедување на кредитот од три милијарди долари на казахстанската компанија KazMunajgas за финансирање на втората фаза за изградба на нафтоводот, што со работа треба да почне од 2020 година.