Кинескиот работен распоред пристигнува во Силиконската долина: Еве што значи тоа за работниците и зошто е забрането во Кина

Добивај вести на Viber

Кинескиот работен модел, според кој луѓето работат од девет наутро до девет навечер, шест дена во неделата (996), сè повеќе се користи во американските стартапи, особено во индустријата за вештачка интелигенција, а неодамна предизвика дебата и во Германија, објавува порталот Wirschaftswoche.

Кина го забрани работниот модел 996 со закон уште во 2021 година, но оттогаш стана тренд во Силиконската долина. Во Калифорнија, сè поголем број работодавци отворено бараат од кандидатите да бидат подготвени да прифатат 72-часовна работна недела.

На мрежи како што се X (порано Twitter) и Linkedin се шират објави кои го величат овој интензивен ритам. Некои стартапи веќе го промовираат како дел од корпоративната култура, додека инвеститорите тврдат дека Европа заостанува токму поради недостатокот на работно време.

Стартап компанијата за вештачка интелигенција Rila, која продава софтвер, отворено го промовира овој модел. Има речиси 100 вработени, а практично сите работат на моделот 996.

„Постои навистина силна и растечка субкултура на луѓе, особено во мојата генерација - Генерација Z - кои пораснаа со приказни за Стив Џобс и Бил Гејтс, основачи кои го посветија својот живот на градење компании што менуваат животи“, изјави претставникот на Рила, Вил Гао, за американскиот технолошки медиум Wired.

Германскиот контекст покажува спротивен тренд. Канцеларот Фридрих Мерц и министерката за економија Катарина Рајхе повикуваат на повеќе работа поради демографскиот притисок и недостигот на работна сила, но податоците покажуваат дека две третини од германските вработени сакаат пократко, а не подолго работно време.

Експертите предупредуваат дека моделот 996 може да ја зголеми продуктивноста на краток рок, но има сериозни здравствени и социјални последици на долг рок.

Менаџерите за човечки ресурси истакнуваат дека вработените немаат мотивација ако се исцрпат без значајна цел, додека некои основачи веруваат дека ова темпо може да се оправда само во раните фази на стартапот.