ЌЕ СЕ ИЗНЕНАДИМЕ ОД БРОЈОТ НА НОВОЗАРАЗЕНИ: Неофицијално денеска има помалку и од вчера, базените се отвораат и за рекреaтивци

Добивај вести на Viber

Денеска бројот на новозаразени со корона вирусот е помал и од вчерашниот, велат извори од Комисијата за зарзни болести, нагласувајќи дека резултатите се неофицијални. Во Скопје, кој се уште се смета за главно жариште на епидемијата со Ковид, денеска се регистрирани само 18 новоинфицирани во Центарот за јавно здравје, за разлика од вчера кога имаше 26. Се чекаат резултати и од останатите лаборатории, но, од Комисијата не очекуваат драстично поголеми бројки.

По падот на епидемиолошката крива, Комисијата за заразни болести даде препорака за отворање на вратите на базените и за рекреативно пливање, не само за спортските клубови.

-Сметаме дека конечно може да бидат отворени базените и за рекреативно користење, но секако со максимално почитување на протоколите и мерките за заштита. Препорака дадовме и за користење на плажите, но истовремено сметаме дека во случај да се прекршуваат воспоставените безбедносни мерки, мора да има казнувања, што е работа првенствено на Државниот санитарен и здравствен инспекторат, како и на МВР, појаснуваат за Фактор од Комисијата за заразни болести.

Оттаму велат дека се уште не даваат препорака за отворање на Аквапарковите, каде што има голема фреквенција на граѓани кои при такви летни активности едноставно не може да одржуваат да го одржуваат потребното безбедно растојание, доволно, за да не се дозволи ширење на вирусот.