ЌЕ СЕ ОФАЈДАТ ЛИ ВОЗАЧИТЕ КОНЕЧНО ВО ПОНЕДЕЛНИК - цените на нафтата вчера силно паднаа
Објавено во: Економија 13 Март, 2020
Цената на нафтата на светските берзи вчера повторно драматично падна, симнувајќи се доцна вечерта на нешто над 30 долари за барел на американската берза, како и 32,6 долари на Лондонската берза.
Ова следува откако завчера таа почна да расте и да се стабилизира по неодамнешниот драматичен пад пред само неколку дена, кога достигна 31 долар за барел, но таа стабилизација изгледа траеше кратко, ако се суди според најновото вчершно стрмоглаво одење во надолна линија.
Дали ваквиот драматичен пад на цената на црното злато ќе значи дека македонските возачи во понеделник, во целата оваа траорна атмосфера со коронавирусот, барем конечно ќе се израдуваат на значително намалени цени на горивата?
Како што е познато, во понеделникот оваа недела нашата Регулаторна комисија за енергетика ги намали цените на горивата за 3,42 проценти, односно по два денари за бензините и за по денар и половина за дизелот и екстра лесното масло за домаќинствата.
По некои реакции кои се појавија дека тоа не е доволно, првиот човек на РКЕ, Марко Бислимовски објасни дека регулаторите ги определуваат цените во секој понеделник, врз основа на случувањата на светските берзи во претходната недела.
„Значи, во текот на минатата недела, се до четвртокот, цените на нафтата беа стабилни. Всушност, големото намалување се случи во петокот, и тоа секако е вклучено во нашата најнова одлука за одредување на цените. Или, конкретно, доколку не се случеше намалувањето во петокот, цените на горивата ќе се намалеа само по половина денар, но поради тоа намалување, цените беа намалени за два денари кај бензините, и за денар и половина кај дизелот и екстралесното масло за домаќинствата“, објасни Бислимовски.
Според него, наредната одлука за цената на горивата РКЕ ќе ја носи во понеделник, на 16 март, и во неа ќе бидат земени предвид движењата на цените на светските берзи во текот на оваа недела, што значи дека тие ќе се ефектуираат во новите цени.
„Какви ќе бидат новите цени во понеделник, ќе зависи од тоа како се движат цените на светските берзи оваа недела“, рече Бислимовски.
Н.Н.Ф.
Можеби ќе ве интересира
Адвокатска комора на Македонија: Членот 368 од Законот за облигациони односи е спротивен на уставот и ги прекршува човековите права, неопходно е решение
ФАКТОР ИСТРАЖУВА: Кои се кавадаречките милионери за 2023 година?
НЕКОЈ МНОГУ САКАШЕ АКЦИИ ОД „МАКЕДОНИЈАТУРИСТ“ И ПЛАТИ НАД 700 ИЛЈАДИ ЕВРА - нови поместувања во структурата на хотелиерската компанија
УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра
ФАКТОР АНАЛИЗА: Прават милиони евра од цевки и камен
АНАЛИЗА: Што ќе се случи со Германија ако си замине од ЕУ?
Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген
Георгиева-Јовевска избрана за една од најуспешните жени менаџерки во земјата
Советничката Милица Арнаудова - Стојановска: Мерките на Народната банка го поттикнуваат „зеленото“ кредитирање
