ЌЕ СЕ ПОТПИШЕ ДОГОВОР: Грција ќе го чува воздушниот простор на Скопје

Добивај вести на Viber

Надзор на воздушниот простор „на Скопје е во интерес на Грција“ порачува Никос Панајотопулос во интервју за атинскиот весник „Катимерини“ пред да биде потпишан договор за надзор на воздушниот простор на Скопје.

Договорот како што се најавува ќе биде потпишан од страна на началниците на генералштабовите на Грција и Северна Македонија .

– Договорот за одбранбена соработка е резултат на генералниот Договор од Преспа. Резултат, кој и не е толку негативен колку штетните елементи на овој договор. Во овој контекст, меѓу началниците на генералштабовите ќе се потпише договор за надзор на воздушниот простор на Скопје. Сметам дека вакво нешто е во интерес на нашата земја, бидејќи едноставно, ако не се случи тоа, ќе им се даде можност на други земји, во главно на Турција, која има изразено интерес, но можеби и на Бугарија, која исто така изрази интерес, без воопшто да ги поседува неопходните средства. Според тоа, во овој момент е императив потпишувањето на air policing (надзор на воздушниот простор) на Скопје, бидејќи тоа е во корист на националниот интерес, вели Панајотопулос за грчкиот весник, пренесе МИА.

На 2 април годинава, при посетата на Скопје на тогашниот грчки премиер Алексис Ципрас и министрите од неговата Влада, меѓу потпишаните билатерални договори беше и оној меѓу министерката за одбрана, Радмила Шекеринска, и тогашниот министер за национална одбрана на Грција, Евангелос Апостолакис.

Тие потпишаа нов сеопфатен Договор за соработка во одбраната, 20 години по потпишувањето на првиот од овој тип, а во него се наведени областите на соработка од взаемен интерес – стратешкиот дијалог, одбранбената политика и доктрини, развој на одбранбените способности, одбранбеното планирање, логистиката, воената медицина, военото образование итн.