ЌЕ СЕ ЗГОЛЕМИ СОЦИЈАЛНАТА ПОМОШ: Ќе се покачат и додатоците за други ранливи категории
Објавено во: Економија 04 Ноември, 2024
Социјалната помош, но и други додатоци ќе се зголемат.
Посебниот додаток за деца со посебни потреби ќе се зголеми за 30 отсто, а паричната помош за квадриплегија за 50 отсто. Тоа го најави денеска министерот за социјална политика, демографија и млади, Фатмир Лимани на петата трибина во рамките на Платформата „100 отсто Посветено за тебе“, со фокус на социјалната и здравствената заштита.
„Зголемените цени и влошениот животен стандард, секојдневно продуцираат уште поголема социјална нееднаквост. Затоа планираме: зголемен надомест за социјална заштита односно зголемување на гарантирана минимална помош за 10 отсто, на посебниот додаток за 30 отсто, на паричната помош за квадриплегија за 50 отсто, за потполно глуви лица за 20 отсто. Надоместокот на плата за скратено работно време за родители поради нега на дете или лице со телесна и ментална попреченост и најтешки хронични заболувања ќе се зголеми за 30 отсто. Ќе има и ново право на парична помош, за лицата без горни екстремитети“, изјави Лимани.
Ќе има и нови 1.500 аудио книги за лицата со оштетен вид, изградба на патеки за слепи лица во сите градови, воведување на избирачки листи на Брајово писмо за лицата со оштетен вид, обука на толкувачи на знаковен јазик, поддршка за унификација на знаковен јазик и други.
„Ќе предвидиме програма за вработување на најмалку едно лице со попреченост во сите јавни институции со над 50 вработени. Ќе предвидиме посебни програми за лицата со попреченост што ќе започнат сопствен бизнис“, вели Лимани.
Ќе има и програма за вработување на децата без родители и родителска грижа по наполнување на 18 години.
Можеби ќе ве интересира
Божиновска од Виена: Оптимизам за енергетската иднина на Македонија
МЕМОВ: Во филијалите во Битола, Прилеп, Струмица, Велес, нема ни основен минимум на вработени за да тече процесот на работа
СДСМ БАРА НУЛА ДАНОК ЗА ОСНОВНИТЕ ПРОИЗВОДИ: За ВМРО-ДПМНЕ ова е само демагогија
НАЈНИСКА ОД ЈУЛИ 2023 ГОДИНА: Се намали инфлацијата во Турција
РЕСЕНСКИ ГАЗДИ СЕ ОПАРИЈА: Австрискиот гигант за сокови „Раух“ официјално нов сопственик на „Вита-Рес“
ИЗВОЗОТ СЕ НАМАЛИЛ ЗА 6 ПРОЦЕНТИ, МАЛ ПАД И КАЈ УВОЗОТ: еве кои производи се „најбарани“
НЕ ПРОПУШТАЈТЕ: КОИ СЕ НОВИТЕ АКЦИОНЕРИ НА „МАКЕДОНИЈАТУРИСТ“ - „Изостоне“ е на Саудин Реџепи, а Симеон Павлов ја има „Чеза комерц“
ПОПУЛАРЕН АМЕРИКАНСКИ ЛАНЕЦ ЗА БРЗА ХРАНА ДОАЃА ВО СОСЕДСТВОТО: Работи во повеќе од 30 земји, сега ќе го имаме во близина
ДЕВЕТ УТРИНСКИ „БОМБИ“ СО АКЦИИТЕ НА „МАКЕДОНИЈАТУРИСТ“ - фрчат блокови, се свртеа над пет милиони евра, што ќе донесе новиот понеделник
