Ќе стане ли Тетово како Скопје што беше во јули? Комуналците започнаа штрајк
Објавено во: Македонија 28 Ноември, 2023 12:05
На Тетово му се заканува катастрофа која може да потсети на она што му се случуваше на Скопје во јули, откако работниците во Јавното комунално претпријатие „Тетово“ – работната единицата „Комунална хигиена“, денеска почнаа штрајк поради неисплатени повеќе плати и немање здравствено осигурување.
Денес нема да го собираат сметот од контејнерите. Работниците се револтирани и велат дека нема да го собираат сметот, без разлика колку ќе се собере, па дури тоа да биде и со месеци
- Се собравме денеска поради тоа што ни доцнат плати и немаме здравствено осигурување. Пред 40 дена сме зеле плата, а ни должат вкупно три или четири плати, зависи од работникот. Здравствено осигурување немаме веќе четири, пет месеци, одиме приватно, кој има пари ќе се лекува, кој нема ништо. Додека не дадат плата нема да се работи, изјави работникот Кочо Трпевски.
Во прашање се над 120 работници. Преземањето на комунална хигиена од словенечката компанија од групацијата Саубермахер, со кого е потпишан партнерски договор, треба да биде од 1 јануари 2024 година.
Од Општина Тетово денеска информираа дека ќе имаат состанок со работниците за надминување на проблемот.
Можеби ќе ве интересира
ВО ЗИМА ДИШЕМЕ ЗАГАДЕН ВОЗДУХ: Каква е состојбата во лето кога ќе пламнат пожарите?
„ГРАДОНАЧАЛНИЧКАТА НА СКОПЈЕ Е ЕПТЕН ФОКУСИРАНА САМО НА ОПШТИНА ЧАИР“: Дафина Стојановска вели дека таа игра туѓа политичка агенда, но го осуди насилството врз Арсовска
НИ МИНИСТЕРОТ ЗА ЗДРАВСТВО НЕ ЗНАЕ КОЛКУ ЛЕКАРИ РАБОТАТ БЕЗ ЛИЦЕНЦА: „Ако еден се појавил ги има и во други градови“
АРСОВСКА МУ ВОЗВРАТИ НА МЕЏИТИ: „Ќе ви се сруши врз глава криминалов, буквално!“
БРЗ ПРОДОР НА ПОСВЕЖА ВОЗДУШНА МАСА ОД СЕВЕР: Очекувајте невреме
Американската православна црква ја призна на МПЦ – Охридска архиепископија
ФАКТОР НА ДЕНОТ: Почна изградбата на најголемиот ветерен парк во регионот
Кубилиус: Неприфатливо е билатералните спорови да се користат за блокирање на пристапните преговори
