ЌУЧУК: Македонија треба да гради мостови, а не ѕидови, бидејќи ѕидовите водат кон омраза

Добивај вести на Viber

Бугарскиот европратеник и лидер на европските либерали, Илхан Ќучук изјави дека е потребен национален консензус во Македонија, а потрагата по непријателот не ја води кон ЕУ. 

„Разбирањето на проблемите на земјите од Западен Балкан, нашето искуство и експертиза би биле корисни за самата Европска Унија. Наш национален интерес е регионот на Западен Балкан да се поврзе со Бугарија. РС Македонија треба да гради мостови, а не ѕидови, бидејќи ѕидовите водат кон омраза“, вели тој во интервју за агенцијата БГНЕС.

Ќучук беше известувач за напредокот на земјава на нејзиниот пат кон ЕУ.

„И сега граѓаните на Северна Македонија треба да го направат својот избор, дали да дадат поддршка на оние што ќе ги повлечат назад, ќе ги одведат од ЕУ, дали се подготвени да ја платат таа цена или да дадат конкретна, фокусирана поддршка на оние што ги сакаат да ги водат напред, а со тоа напред разбирам добрососедство и пријателство со соседите. Без ова не може да има ЕУ“, вели европратеникот.

Македонија не ги внесе Бугарите во Уставот. Без уставни измени нема продолжување по европскиот пат. Претходно, Бугарија ставаше вето на Македонија за преговорите со ЕУ.