Кога да очекуваме заладување?
Објавено во: Македонија 11 Август, 2019
Утре три дена ќе имаме многу високи температури.
Портокаловата фаза во Македонија ќе се задржи до 14 август, прогнозираат синоптичарите.
Дневните температури денеска ќе бидат од 31 до 40 степени Целзиусови. Во Скопје температурата ќе достигне до 39 степени. УВ индексот ќе достигне вредност 9.
Утре и задутре температурата ќе изнесува 41 степен, а УВ зрачењето ќе продолжи да биде високо и ќе изнесува 9. Во среда температурата ќе достигне до 40 степени, а попладнето и во четврток ќе има зголемување на облачноста проследено со локален пороен дожд и грмежи. Се очекува намалување на температурата за неколку степени, најпрво во северните делови. Веќе од петок следи облачност, дожд и пад на температурата се очекува насекаде низ земјава, информираат од Управата за хидрометеоролошки работи.