Кога нашите предци се исправиле на две нозе?

Добивај вести на Viber

Древните китови кои не умееле баш најдобро да се ориентираат во просторот им помагаат на истражувачите да откријат кога се променил афричкиот континент на начинот кој довел до еволуција на луѓето.

Клунестите китови наводно погрешно свртеле во реката на територијата на денешна Кенија пред околу 17 милиони години. Врз основа на нивните остатоци, научниците успеале да откријат досега со најголема прецизност кога источноафричкото плато почнало да се издига.

Како што е објаснето од страна на Лос Анџелес Тајмс, овој пат тоа е од клучно значење за историјата на човештвото, бидејќи геолошките промени го трансформирале регионот кој некогаш бил покриен со густи шуми во тревни полиња, и експертите велат дека токму поради тоа предците на човекот почнале да одат на две нозе .

„Китовите ни кажуваат многу работи“, вели палеонтолог од Саудерн Методист универзитетот кој е еден од авторите на трудот објавен во научниот магазин ПНАС.

„Тие ни кажуваат кога дошло до промени во климата и изгледот на Африка, кои довеле до појава на првите луѓе.

Черепи на китови беа пронајдени за прв пат во 1964 година и научници мислеа дека се работи за желка. Со децении, така лежеа во депоата на Харвард, но тие конечно ја видеа светлината на денот, повторно, кога истражувачите почнаа да се занимаваат со овој дел на Африка.