22 Август, 2019
0.0212

Кој директор на државна фирма се поднови со службена лимузина за 50.000 евра?

Објавено во: Економија 15 Јануари, 2019

Илми Селами, поранешен претседател на антикорупциска, советник во Министерство за одбрана, воен аташе во Брисел и се тоа во време на „режимот на Никола Груевски“ од пред неполна година директор на „Водостопанство“ АД. Кадар на ДУИ кој знае како да се бори со корупција, искусен во воени прашања и воена дипломатија, а сега и менаџер за водните ресурси на Република Македонија ќе се вози со нов „Талисман“ на оперативен лизинг за 50.000 евра

Илми Селами, директорот на „Водостопанство на РМ“ државната фирма која се грижи за сите брани во земјава и за системите за наводнување земјоделски површини купи на трошок на фирмата, се разбира, нова лимузина за безмалку 50.000 евра. Новиот „Рено Талисман“ ЗЕН со мотор од 1,6 литри и 130 коњски сили е новото службено возило на „Водостопанство“. За него , на оперативен лизинг, фирмата ќе плати 48.350 евра. Возилото се купува на 60 месечни рати, а месечно ратата изнесува 806 евра, а до километража од 100.000 километри за овој период по што ќе се наплаќа 19 денари за изминат километар.

Освен оваа лимузина, „Водостопанство“ ќе купи и 14 тенерци „Дачиа Дастер“ за кои , на истите услови – оперативен лизинг на 60 рати до 100.000 километри, ќе плати 368.000 евра. Инаку, неодамна „Водостопанство“ на својата веб страница се пофали дека купува теренски возила за своите потреби, но не се пофали дека купува и лимузина за 50.000 евра.

Сите детали на линкот 

Кој е Илми Селами?

Тие со малку подолго и подобро памтење го памтат како перјаница на ДУИ во власта на ВМРО-ДПМНЕ. Во 2010 година како претседател на антикорупциската комисија кој крена многу врева за да промени државни функционери кои имаат директорски и советнички места. Тогаш беа променети само Владимир Здравев од МЕПСО и Бавчовановски од ПУИК. Кратко по таа „антикорупциска победа“ Селами беше делегиран за воен аташе во Брисел. Во 2015 година стана заменик-министер за одбрана, а пред неполна година овој политичар беше именуван за главен извршен директор на „Водостопанство“ – фирмата која оперира со воденото богатство на сите големи брани во земјава. Селами е дипломиран политиколог.


Р. Ф.

Можеби ќе ве интересира

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Промени во органите на управување и раководење на Силк Роуд банка

Промени во органите на управување и раководење на Силк Роуд банка

Ѓорѓе Војновиќ останува Главен извршен директор на Триглав Осигурување АД, Скопје

Ѓорѓе Војновиќ останува Главен извршен директор на Триглав Осигурување АД, Скопје

Која банка прави најмногу пари?

Која банка прави најмногу пари?

Фирмите на Бојан Јовановски под лупа на УЈП

Фирмите на Бојан Јовановски под лупа на УЈП

Која банка направи профит од 17 милиони евра за шест месеци?

Која банка направи профит од 17 милиони евра за шест месеци?

Колку пари ќе потрошат родителите за да подготват прваче за на училиште?

Колку пари ќе потрошат родителите за да подготват прваче за на училиште?

УТРИНСКИ ФОКУС: Како „Бургер кинг“ прави пари во Македонија ?

УТРИНСКИ ФОКУС: Како „Бургер кинг“ прави пари во Македонија ?

Како работи „Бургер кинг“ во Македонија?

Како работи „Бургер кинг“ во Македонија?