Кој е Александар Верушевски? Пријател или душман на Заев?

Добивај вести на Viber

Зоран Заев откри дека Александар Верушевски го снимал на „бомбите“ кои неодамна се појавија во јавноста. Тоа се случило во 2016 кога Заев му бил домаќин во Струмица, а аудио-записот е објавен дури по четири години.

Александар Верушевски е син на Зоран Верушевски, кој е советник за национална безбедност во Владата и претседател на партиската комисија за внатрешни работи на СДСМ.

Познат уште и под прекарот „Аџо“ последен пат беше политички актуелен во 2015 кога се најде на списокот лица кои политичката партија ВМРО-ДПМНЕ ги повика на Анкетната комисија за утврдување на политичка одговорност за скандалот со прислушувањата. Синот на поранешниот прв разузнавач во неколку наврати имаше проблеми со законот кога беше осомничен и обвинет за серија тешки кривични дела. 

Зоран Верушевски, додека беше директор на ДБК, имаше проблем со однесувањето на неговиот син, против кого имаше неколку кривични пријави за нелегално поседување на оружје, за нарушување на јавниот ред и мир, за крадење на службеното возило на неговиот татко, за обид за убиство, за изнуда, газење човек со автомобил.

Тој беше осуден на две години затвор, но Бранко Црвенковски, како претседател на државата брзо ја донесе одлуката за неговото помилување.