06 Декември, 2022
0.0270

КОЈ Е ДРЖАВНИОТ БОРЧЛИЈА ШТО ДОЛЖИ ПЕТ МИЛИОНИ ЕВРА, А ВРАБОТУВА СО ПЛАТИ ОД 45 ИЛЈАДИ ДЕНАРИ - распишан голем оглас за МРТ, еве кои профили се бараат

Објавено во: Економија 04 Октомври, 2022

Добивај вести на Viber

Големиот државен должник, Јавното претпријатие Македонска радиотелевизија, или по ново Национална радиотелевизија, реши да вработи голем број раководители, стручни соработници и инженери, дури 11 на број, а платите, иако не се премногу високи, сепак, може да се каже дека се доста солидни, особено во ппоглед на профилот на кадри што се бараат според образованието, но и според нивното работно искуство.

На огласот кој го распиша Агенцијата за администрација е наведено дека на МРТ и се потребни 11 извршители, а платите се движат меѓу 35 и 45 илјади денари.

Прв кадар кој се бара е раководител на секторот за финансиско работење, кој треба да има завршено или економски факултет, менаџмент или математика. За него се бара да има најмалку пет години работно искуство во струката, од кои најмалку две на раководно работно место во јавен сектор, или најмалку осум години работно искуство во струката од кои најмалку три години на раководно работно место во приватен сектор. Неговата нето плата ќе изнесува близу 45 илјади денари. Согласно годишниот план на институцијата за оваа година, неговата етничка припадност треба да биде Македонец.

Потоа, се бара раководител на секторот за маркетинг и промоција, кој треба да има факултет и тоа или менаџмент, или економски или книжевност, а во поглед на неговиот стаж и искуство, се бараат истите услови како и за кандидатот за кој пишуваме погоре. Неговата плата ќе биде исто така 45 илјади денари, а според националноста, се бара тој да биде Албанец.

Во огласот е наведенои и дека се бара еден стручен соработник во Одделението за сметководство, кој треба да биде или економист или да има завршено менаџмент. Интересно за него е што може да има, но и не мора да има работно искуство во струката. Неговата плата ќе биде 33 и пол илјади денари, а тој треба да биде Македонец.

Агенцијата распишала оглас и за двајца инженери во Одделението за софтвер. Тие треба да имаат високо образовабние од областа на информатиката, компјутерска техника и информатика или електротехника. За овие кадри се бара најмалку две години работно искуство во струката. Нивната плата ќе биде близу 37 илјади денари, а според етничката припадност, еден од нив треба да биде Албанец, а другиот Турчин.

Натаму, на огласот кој е распишан токму на први овој месец, се наведува и дека се бара стручен соработник во Одделението за финансии, за кого условот е да има завршено организациски науки на управување (менаџмент), економски науки или математика, а може и да нема работно искуство во струката. Неговата плата ќе биде 32 и пол илјади денари, а според планот на институцијата за еднаква застапеност, тој треба да биде Македонец.

ЈП Македонска радиотелевизија на оглас бара и стручен соработник во Одделението за планирање и реализација на буџети, кој треба да има високо образование од областите економски науки, јавна управа и администрација или организациски науки на управување (менаџмент), а треба да има само еднагодина работно искуство во струката. Оној што ќе го добие ова работно место ќе зема плата од 35 и пол илјади денари, а етничкиот услов што треба да го исполнува овој човек е да биде Македонец.

Уште едно вработување има во истиот оглас за МРТ, а тоа е за стручен соработник во Одделението за јавни набавки. Тој треба да има економски или правен факултет, и само една година работно искуство во струката. По националност треба да биде Албанец, а ќе зема плата исто од 35 ипол илјади денари.

На МРТ и бил потребен и еден стручен соработник во Одделението за архива, кој треба да има високо образование од областа на правни науки, јавна управа и администрација или библиотекарство и документација, и повторно работно искуство од само една година. Треба да биде Македонец како услов,а неговата плата е повторно 35 ипол илјади денари.

Едно вработување е резервирано за местото стручен соработник во Одделението за стручна и техничка поддршка на Програмскиот совет на МРТ и НО на МРТ. Образованието треба да му биде исто така високо во делот на правните или политичките науки, а претходно во струката да работел само една година. Овој човек кој треба да биде Македонец, исто така ќе зема 35 ипол илјади денари месечен надоместок.

И конечно, МРТ прима еден референт во Одделениете за архива. Тој може да биде и со средно правно образование или гимназија, виша-правно, а во струката би требало да има искуство од најмалку три години. Изненадувачки, но и за овој човек ќе има пристојна плата од 31 илјади денари. Според националноста, тој треба да биде Македонец.

Инаку, ЈП МРТ со години наназад е еден од најголемикте државни должници. 

Според најновите бројки на Министерството за финансии, кои датираат заклучно со јуни годинава, МРТ била 18 по ред најголем државен борчлија во земјава. Долгот на оваа државна институиција кој е доспеан, а не е платен, изнесувал дури 4,8 милиони евра.

Н.Н.Ф.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Која наша фирма исплати 38 милиони евра плати за 9 месеци? „Фактор“ ги рангира најголемите платодавачи!

Која наша фирма исплати 38 милиони евра плати за 9 месеци? „Фактор“ ги рангира најголемите платодавачи!

ОВАА НАВИКА Е ПРЕСУДНА: Како да напредувате во кариерата

ОВАА НАВИКА Е ПРЕСУДНА: Како да напредувате во кариерата

Колкава е температурата во просторијата ако радијаторот е поставен на 4: Еве што значат бројките на него

Колкава е температурата во просторијата ако радијаторот е поставен на 4: Еве што значат бројките на него

Швеѓанец отворил осум социјални маркети, може да купуваат само лица со ниски приходи

Швеѓанец отворил осум социјални маркети, може да купуваат само лица со ниски приходи

Загубите ќе се мерат во милијарди: „Зима на незадоволство“ ќе ја тресе Британија

Загубите ќе се мерат во милијарди: „Зима на незадоволство“ ќе ја тресе Британија

Доларот јакне, еврото се „лизга“, цените на нафтата ги надоместуваат загубите

Доларот јакне, еврото се „лизга“, цените на нафтата ги надоместуваат загубите

КОИ СЕ, ШТО ЌЕ ГРАДАТ И КОЛКУ ЌЕ ВЛОЖАТ НОВИТЕ ТРОЈЦА СТРАТЕШКИ ИНВЕСТИТОРИ - одлуките објавени, ќе имаат ли среќа милионските најави

КОИ СЕ, ШТО ЌЕ ГРАДАТ И КОЛКУ ЌЕ ВЛОЖАТ НОВИТЕ ТРОЈЦА СТРАТЕШКИ ИНВЕСТИТОРИ - одлуките објавени, ќе имаат ли среќа милионските најави

Хеленик Петролеум и Македонија побараа дозвола за работа на нафтоводот Скопје - Солун по 13 години

Хеленик Петролеум и Македонија побараа дозвола за работа на нафтоводот Скопје - Солун по 13 години

АНАЛИЗИТЕ НИ ПОКАЖАА ДЕКА МОДЕЛОТ СО ДВЕ ПРОГРЕСИИ НА ДАНОКОТ НЕМАШЕ ДА БИДЕ ПОЗИТИВЕН - Лукаревска за даночната реформа

АНАЛИЗИТЕ НИ ПОКАЖАА ДЕКА МОДЕЛОТ СО ДВЕ ПРОГРЕСИИ НА ДАНОКОТ НЕМАШЕ ДА БИДЕ ПОЗИТИВЕН - Лукаревска за даночната реформа