Кој е најголем градежник? Направи 12,6 милиони евра за три месеци!
Објавено во: Економија 18 Мај, 2022 07:35
Во ова тешко време и во период што не е градежна сезона, најголемата домашна градежна компанија „Гранит“ успеа да ги зголеми приходите за 10 отсто и кварталот да го заврши на позитивна нула. Веројатно е дека вториот квартал притисокот врз трошоците особено заради цените на нафтата и градежните материјали ќе расте и тоа ќе влијае врз билансот за првото полугодие. Но со пролетта започнува и градежната сезона. Сепак на акционерите „срце им грее“ дивидендата вредна еден милион евра од акците што „Гранит“ ги има во „Комерцијална банка“
Најголемата домашна градежна оператива , скопски „Гранит“ во првиот квартал оствари приходи од продажба кои се повиски за 10 отсто од лани и достигнаа 12,6 милиони евра. Како и претходно и оваа година доминантно е учеството на домашната продажба која изнесува 11,9 милиони евра во вкупните приходи од продажба на „Гранит“. Уште 810.000 евра приходи „Гранит“ книжи од капитализирано сопствено производство и од останати оперативни приходи.
Оперативните расходи на градежната компанија под големиот притисок на зголемените цени на енергенсите се зголемени за 14 отсто и изнесуваат 13,4 милиони евра. Најголем процентуален раст, очекувано, има кај трошоците за суровини и други материјали и тој изнесува 23 отсто, а вредноста на трошоците е 3,5 милиони евра. За вработените компанијата платила речиси 3 милиони евра, а услуги со карактер на материјални трошоци 4,9 милиони евра и тука растот на трошоците изнесува 23 отсто.
Оперативната добивка на „Гранит“ за три месеци е 3.000 евра и тоа за фирма од овој калибар е само „позитивна нула“. Но со оглед на периодот од годината кој не е градежна сезона резултат е очекуван и не е лош.
Особено затоа што е добра основа за вториот квартал во кој градежната оператива се буди и значајно ги зголемува своите активности. На добивката на „Гранит“ во овој т.е. вториот квартал многу позитивно ќе влијае и дивидендата од акциите што компанијата ги има во „Комерцијална банка“ од кои приносот ќе биде околу еден милион евра.
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Кога е најдобро време да купите половен автомобил - во овој дел од годината можете да заштедите до неколку стотици евра
Русите пресметаа и објавија колку пари изгуби ЕУ поради санкциите
ПОЧНА РЕКОНСТРУКЦИЈАТА НА СКОПСКАТА ЖЕЛЕЗНИЧКА: Колку време ќе трае и колку чини проектот за новиот изглед?
Плати во плик, кеш промет и скриени приходи – УЈП со засилени контроли
(ВИДЕО) „ОВА Е НЕРЕАЛЕН БУЏЕТ“: Битиќи вели дека предлог буџетот за 2026 година му изгледа на предизборен
Повеќето милијардери живеат во оваа европска земја: Додека беснее економската криза, нивното богатство се зголемува
Скијачки центар во Србија каде што врне снег како на Копаоник, а викендот чини помалку од гориво: Mесто без гужви и високи цени
