Кој е следниот високотехнолошки град во светот?

Добивај вести на Viber

Во моментов во Копенхаген се гради централа која произведува електрична енергија од домашен отпад. Компаниите од технолошката индустрија во Копенхаген се на пат да и  дадат поттик на данската економија  да се абицира за градот да се претвори во центар на иновациите и "зелениот" начин на живот, пишува CNBC. Со население од 560 000 луѓе Копенхаген е една од најмалите метрополи во Европа, но Владата има за цел до 2025 година да ги сведе емисиите на јаглерод  до нула и да му покаже на светот дека "е можно да се комбинираат раст, развој и повисок квалитет на живот со намалување на штетните гасови ", се наведува во целите на планот. Земјата веќе има напредок со производството на електрична енергија од алтернативни извори, како 28% од електричната енергија се генерира од ветерни турбини, а во Копенхаген механизмите за заштеда на вода и зградите со соларни панели се вообичаена глетка. -Во моментов градиме централа која произведува електрична енергија од отпад во Копенхаген, која во општи линии го претвора ѓубрето од домаќинствата; кеса од три килограми отпад е доволна за производство на електрична енергија што едно домаќинство троши за четири часа ... и за пет часа греење ", објаснуваат од Bjarke Ingels Group. -Веќе се зема здраво за готово дека ако се развиваат проекти за урбана средина, тој треба да е во согласност со социјалните и еколошките потреби", додава Бјарк Инглс од Bjarke Ingels Group. Данската влада тесно соработува со локалните образовни институции, бизнисот и граѓаните за остварување на своите цели. Според властите зајакнувањето на зелените технологии може да даде поттик на економскиот раст - важен фактор за земјата, која се опоравува од финансиската криза од пред пет години. Една од областите во кои данските компании се водечки во однос на иновациите, се слушните апартчиња. Данскиот производител GN Resound и Apple развиваат апаратче, направено за iPhone, што се поврзува директно со мобилни уреди со помош на технологија слична на Bluetooth. Друга данска компанија стои зад еден од најуспешните производи во Европа и САД. Фармацевтската фирма Novo Nordisk и дизајнерската компанија Designit пред 15 години го развија инсулинското пенкало - уред кој веќе се користи масовно од дијабетичарите ширум светот.   К.К