11 Декември, 2018
0.3279
    ALK 8149.06    0.8%     GRNT 810.87    1.36%     KMB 4932.79    2.35%     MPT 46443.88    0.75%     MTUR 4850    -0.58%     MZPU 607    0%     OHB 6545.4    1.52%     PTRS 3075    0%     RMDEN16 97    1.04%     RMDEN17 96.5    0%     RZLV 68    0%     SBT 1802    -7.59%     STB 1278.3    1.18%     STIL 121    0.83%     TEL 295    0%     TNB 13999.97    0%     TTK 1233    -0.91%

КОЈ Е ТОМЕ ГЛАВЧЕВ: Од спортист во душа, бизнис личност во Југоисточна Европа до осомничен во СЈО

Објавено во: Македонија 13 Октомври, 2018

Томе Главчев, сопственик на македонската текстилна компанија НОЕЛ, во јуни беше избран за бизнис личност во Југоисточна Европа, според одлуката на жирито составено од универзитетски професори и стопанственици во регионот кое му го доделува признанието за долгогодишно успешно менаџирање и освојување на светските пазари.

Тој во јавноста е познат со својата деловна и животна филозофија, препознатлив со поддршката на младите во спортот, со активна свест за општествената одговорност а во Гевгелија изгради спортска сала и во градот го донесе духот на витештвото и страственото навивање.

Како финансиер и влубеник во кошарката Томе Главчев е препознатлив и со успесите на Блокотехна, чија екипа годинава влезе во завршницата на државното првенството.

Спортистите го знаат и како долгогодишен инвеститор во КК Кожув.

Во 2015 поради спортски неправди се повлече од финансирањето на клубот од Гевгелија. Сепак, неговата љубов кон кошарката беше преголема за тој предолго да биде надвор од овој спорт, па успешниот бизнисмен се реши за стартување на сопствена кошаркарска приказна – формирајќи свој клуб што ќе го носи називот Блокотехна, по делот од градот каде Главчев неодамна изгради модерна спортска сала.

ДЕНЕС ОСОМНИЧЕН ОД СЈО

Томе Главчев е еден од осомничените во новата истрага  „Поштенска банка“ која ја покрена специјалното јавно обвинителство а во која се осомничени и Коле Смилевски, Томе Главчев, Ратко Димитровски, Викица Поповски, Георги Каратолис, Кирил Јаневски, Зоранчо Митровски, Ристо Милев и Златко Ѓорчев.

- Истрагата опфаќа повеќе поврзани настани за сторени кривични дела – Перење пари и други приноси од казниво дело од чл.273 и со истата се опфатени девет лица Коле Смилевски, Томе Главчев, Ратко Димитровски, Викица Поповски, Георги Каратолис, Кирил Јаневски, Зоранчо Митровски, Ристо Милев и Златко Ѓорчев.

Во соопштението наведуваат дека од извршените кривични дела сторени во временскиот период од 2001 до 2010 година била прибавена имотна корист во износ од околу 5 милиони евра.

- Во почеток на 2001 година Љубчо Георгиевски, како претседател на Владата на Република Македонија, Марјан Ѓорчев како вицепремиер и Никола Груевски како министер за финансии, со цел да го контролираат фактичкото функционирање на „Поштенска банка“, организирале во основањето на Банката, покрај „Македонска пошта“, која била во државна сопственост, да учествуваат и правните лица кои тие ги избрале – „Ноел Експорт импорт“ Гевгелија и печатница „Европа 92“ Кочани, појаснуваат од СЈО.

Според СЈО, на сопствениците на овие правни лица, на Томе Главчев и Ратко Димитровски им било кажано дека во основањето на Банката нема да учествуваат со сопствени средства, туку со пари кои ќе ги обезбедат од кредити. Планот бил основањето на „Поштенска банка“ да не биде со средства на осомничените, туку со средства од други извори, што е спротивно на Законот за банки.

- Согласно добиените насоки од наведените владини функционери, осомничените Томе Главчев, сопственик на „Ноел Експорт импорт“ Гевгелија и Ратко Димитровски, сопственик на „Европа 92“ Кочани, со кредити подигнати од три банки, ги уплатиле основачките влогови во „Поштенска банка“, по што осомничениот Коле Смилевски, како генерален директор на „Поштенска банка“ АД Скопје, овозоможил кредитирање на правните лица „Ноел Експорт импорт“ Гевгелија и „Европа 92“ Кочани и правни лица поврзани со нив. Сите средства добиени од кредити од „Поштенска банка“ се слеале на сметките на овие две правни лица и се искористени за враќање на првобитните кредити, наведуваат од СЈО:

Станува збор, како што додаваат, за индиректно кредитирање на основачките влогови со средства од банката која се основа, што е спротивно на Законот за банки и преставува кривично дело – Злоупотреба на службената положба и овластување.

Воедно, посочуваат во сооопштението, осомничените Томе Главчев и Ратко Димитровски, искористувајќи ја нивната позиција во „Поштенска банка“, издејствувале осомничениот Коле Смилевски да овозможи одобрување на повеќе кредити на правните лица „Ноел“ и печатница „Европа 92“, како и на друштвата кои што биле директно поврзани со нив.

- Овие вториве, добиените кредитни средства веднаш ги префрлале на сметките на „Ноел“ и „Европа 92“, кои ги користеле за сопствени потреби. За сите овие одобрени кредити заедничко е дека било договорено воопшто да не се враќаат на Банката, со што била прибавена корист за „Ноел“ и „Европа 92“, а Томе Главчев, Ратко Димитровски и Коле Смилевски сториле Злоупотреба на службената положба и овластување, истакнуваат од СЈО и додаваат дека поради проток на време во однос на лицата Љубчо Георгиевски, Марјан Ѓорчев, Никола Груевски, Томе Главчев и Ратко Димитровски, настапила застареност на кривичното гонење за кривичното дело Злоупотреба на службена положба и овластување.

Во соопштението стои дека во насока на прикривање на фактот дека паричните средства кои потекнуваат од незаконски добиените кредити, како и фактот дека акциите во „Поштенска банка“ ги стекнале на незаконски начин, осомничените Томе Главчев и Ратко Димитровски во временскиот период од 2005 година до 2010 година презеле дејствија на перење пари и други приноси од казниво дело.

- Осомничените Томе Главчев и Ратко Димитровски преку нивните друштва-„Ноел“ и „Европа 92“ подигнале кредити од „Еуростандард банка“, кои биле наменети за сервисирање на обврските од претходните кредити подигнати од „Поштенска банка“. Како гаранција за подигнатите кредити во „Еуростандард банка“, истите ги заложиле сопствените акции од „Поштенска банка“. Со оглед на фактот што кредитот кон „Еуростандард банка“ откако поминал рокот за плаќање не бил вратен, Еуростандард банка“ го активирала обезбедувањето на кредитот и станала акционер во „Поштенска банка“. На овој начин осомничените со пренос на незаконски стекнатиот имот – акциите во „Поштенска банка“ и средствата добиени од кредитите од „Поштенска банка“, го прикриле нивното противправно потекло, со што сториле кривично дело Перење на пари и други приноси од казниво дело, појаснуваат од СЈО.

Од СЈО додаваат дека дејствијата на осомничените лица не завршуваат тука. Имено, осомничените Смилевски, Главчев и Димитровски со цел, незаконски да извлечат парични средства од „Поштенска банка“ направиле обид за докапитализација на Банката со издавање втора емисија на акции за однапред познати купувачи.


Фото: екипа.мк

Можеби ќе ве интересира

МАКЕДОНИЈА ТОП ДЕСТИНАЦИЈА ЗА 2019: Како нашата земја влезе во потесен избор?

МАКЕДОНИЈА ТОП ДЕСТИНАЦИЈА ЗА 2019: Како нашата земја влезе во потесен избор?

ЗАЕВ ГО ОТФРЛИ БАРАЊЕТО ЗА ОПШТА АМНЕСТИЈА: Затворениците од Идризово се налутија-штрајк со глад!

ЗАЕВ ГО ОТФРЛИ БАРАЊЕТО ЗА ОПШТА АМНЕСТИЈА: Затворениците од Идризово се налутија-штрајк со глад!

Муслиу: Нарушување на привaтноста во домот е многу сериозна работа

Муслиу: Нарушување на привaтноста во домот е многу сериозна работа

Заев: Jaс сум Македонец, зборувам македонски јазик, тоа е мое право

Заев: Jaс сум Македонец, зборувам македонски јазик, тоа е мое право

И Мицкоски ги искоментира изјавите на Каракачанов

И Мицкоски ги искоментира изјавите на Каракачанов

Двајца екс министри „заработија“ кривични пријави

Двајца екс министри „заработија“ кривични пријави

Внук со нож ја убил баба си во Драчево

Внук со нож ја убил баба си во Драчево

Сашо Богоески ослободен за убиството на провалникот

Сашо Богоески ослободен за убиството на провалникот

Верува ли Заев дека Груевски ќе биде екстрадиран?

Верува ли Заев дека Груевски ќе биде екстрадиран?