КОЈ Е ВЕНКО ФИЛИПЧЕ, КОЈ САКА ДА ГО ПРЕЗЕМЕ КОРМИЛОТО НА СДСМ? Јавноста прв пат го запозна кога стана министер за здравство

Во текот на својата работа се усовршувал во неврохируршки центри во Грац, Белград, Дејтон, Колумбус, Истанбул, Цирих.

Во 2012 година завршил fellowship по интервентна неврорадиологија со што станува првиот неврохирург во Македонија и околните земји кој ја основа хибридната неврохирургија на матичната клиниката во Скопје.

Свои публикации има објавено во повеќе домашни и странски списанија во областа на неврохирургијата.

Активно се служи со англискиот јазик

Активна политичка кариера започнува кога станува министер за здравство во Владата на Република Македонија од позицијата советник за здравство на премиерот Зоран Заев и од професионалната позиција доцент на медицинскиот факултет во Скопје.

Избран е за асистент на Медицинскиот факултет во Скопје во 2004 година.

Во 2017 е избран за доцент на Медицинскиот факултет во Скопје.

Д-р Венко Филипче е и секретар на Македонското неврохируршко здружение како и член на извршниот комитет на Здружението на неврохирурзи на Југоисточна Европа, а во 2016 бил организатор на Македонско-Јапонската невроваскуларна конференција.

На  25.12. 2017 година Венко Филипче е избран за министер за здравство во Владата на Република Македонија, откако од Министерството си замина Арбен Таравари кој беше избран за градоначалник на  Општина Гостивар.

Тој го истера својот мандат борејќи се со пандемијата со ковид, а беше актуелен со неговите изјави, па социјалните мрежи беа преполни со статуси посветени на него.

На неодамнешните избори тој ја предводеше кандидатската листа на СДСМ во ИЕ 4.