Кој го бојадисува Боки 13 во Шутка?
Објавено во: Македонија 23 Септември, 2019
Бојан Јовановски, првоосомничениот во случајот „Рекет“ кој денеска се појави на распит, во Обвинителството за организиран криминал, во негов стил, дојде среден, облечен соодветно и со свежо бојадисана коса.
Боки 13 во притворот во Шутка е повеќе од 70 дена, а оттаму излезе неколкупати кога поради здравствени причини одеше во Клиничкиот центар.
И тогаш и сега Боки 13 е спастрен, уредно потстрижан. Вработени во затворите за Фактор велат дека затворениците и притворениците имаат право на лична хигиена, без оглед кој какви хигиенски навики има. Сепак посебен фризер не смее да доаѓа. Останува неодговорено кој ја бојадисал косата на Боки 13.
Фактор се обиде да стапи во контакт со Есад Рахиќ, директорот на Истражниот затвор Шутка, но не успеавме да го добиеме.
Фото: Република