Кој го возел пунтото на Груевски на денот на неговото бегство?
Објавено во: Македонија 25 Ноември, 2018
Бегството го планирал во неколку фази, дури купувал неопходни работи за во затвор, а според информации кои ги има Алсат М телевизија поранешниот премиер Никола Груевски дури се поздравил со своите роднини и соработници. Сево ова, според телевизијата требало да создаде впечаток дека тој секако ќе оди во келијата. На денот на бегството, според нивните информации, вечерта, наводно, со неговиот автомобил излегол да се вози низ главниот град. Неколку минути подоцна, Груевски почнува да го спроведува планот за бегство. Се смета дека од гаражата од блокот каде што живее излегол со својот автомобил. Од излезот од гаражата, се смета дека бело возило „Фиат“ го следел до кружниот тек во една населба, недалеку од центарот на Скопје.
Оттаму безбедносните камери „Сејфсити”“ сведочат дека автомобилот „Фиат Пунто“ со зелена боја се враќа во гаражата, но не и поранешниот премиер. Се смета дека тој уште на почетокот не се качил во неговиот личен автомобил, туку директно во автомобилот на унгарските служби, а неговиот личен автомобил го возел вработен од унгарска амбасада, а потоа го вратил во гаражата.
Од кружниот тек се сомнева дека автомобилот тргнал кон Дебар, од каде неофицијално се дознава дека Груевски ја преминал илегално границата меѓу Македонија и Албанија. За да не падне во очи на полициските служби, се дознава дека Груевски употребил секундарни патишта, а не автопат каде што постојат безбедносни камери.