23 Април, 2024
0.0261

Кој скопски хотелиер од дивиденди и камати заработи 1,1 милиони евра?

Објавено во: Економија 29 Февруари, 2024

Добивај вести на Viber

„Македонијатурист“ од основната дејност хотелирство лани остварила оперативна добивка од 714.00 евра. Но тоа не е се! Од дивиденди и камати на своите вложувања во хартии од вредност вредни 20 милиони евра оваа компанија ја наѕида добивката за 2023 година до износ од 1,58 милиони евра

„Македонијатурист“ се враќа на старите патеки и тоа ќе ги израдува нејзините мали акционери, покажуваат најновите бројки од финансиските извештаи за 2023 година кои најголемата скопска хотелиерска компанија ги објави на берзата.

Приходите од продажба на хотелиерски и угостителски услуги лани достигнале 5,55 милиони евра и се зголемени за 32 отсто во однос на претходната година. Од податоците кои се достапни се гледа дека индикатор кој експлицитно укажува на јак раст на продуктивноста изразен преку раст на продажба во однос на фиксните трошоци.

Имено, при раст на продабата од 32 отсто трошоците на компанија пораснале за само 4 отсто. И тоа е специфика на хотелиерската индустрија за која златно правило е синтагмата „најскап кревет е празниот кревет“.

Оперативните трошоци на “Македонијатурист“ лани изнесувале 4,9 милиони евра, а најголем меѓу нив е трошокот за вработени кој изнесува 1,58 милиони евра и во однос на претходната година е зголемен за 16 отсто.

Оперативната добивка на „Македонијатурист“ лани е 714.000 евра и тоа е неспоредливо подобар резултат од претходната година кога компанијата заврши со загуба од оперативното работење од 427.000 евра. Значи „Македонијатурист“ се враќа на патеките на профитабилност од основната дејност што е важно и охрабрувачко за акционерите. А особено ако се знае дека компанијата во целост го обнови и реновираше „Холидеј Ин“ најпрепрезентативниот од нејзините четири хотели кои угостуваат гости во Скопје.

И сега џокерот на “Македонијатурист“!

Сите кои разбираат инвестирање во хартии од вредност и вложувања се сложуваат дека „Македонијатурист“ од македонските компании е најдобра или една од најдобрите според тоа какво инвестициско портфолио има.

Фактите го потврдуваат тоа. Лани „Македонијатурист“ од своите вложувања во акции и инвестиции во депозити и други инструменти има финансиски прилив од дивидени и камати вреден 1,1 милиони евра. И приносот е за 13 отсто повисок од 2022 година.

Тоа е 5 отсто принос на нејзините вложувања во хартии од вредност кои според паричниот тек лани вределе 20,1 милиони евра.

Нето добивката на компанијата лани изнесува 1,57 милиони евра што е за 3 пати подобро од претходната година.

И што е голем плус за сите потенцијални инвеститори оваа компанија нема ниту денар долг кон банките по основ на заеми и кредити.

Р.Ф.

foto freepik.com

Можеби ќе ве интересира

ВО РЕГИОНОТ: Сакаат да ја вратат платата во плик

ВО РЕГИОНОТ: Сакаат да ја вратат платата во плик

ЦЕНАТА УРИВА РЕКОРДИ: Тон какао чини 11.000 долари

ЦЕНАТА УРИВА РЕКОРДИ: Тон какао чини 11.000 долари

ЕВЕ КОЈ ТРЕБА ДА ЧЕКА ЗА УТРЕ ДА „НАТОЧИ“ ГОРИВО, А КОЈ ДА ПОБРЗА - возачи, РКЕ ги објави цените

ЕВЕ КОЈ ТРЕБА ДА ЧЕКА ЗА УТРЕ ДА „НАТОЧИ“ ГОРИВО, А КОЈ ДА ПОБРЗА - возачи, РКЕ ги објави цените

ГРЦИЈА, ИТАЛИЈА И ФРАНЦИЈА СЕ НАЈЗАДОЛЖЕНИ ЗЕМЈИ: Бугарија и Естонија најмалку, еве што покажуваат податоците

ГРЦИЈА, ИТАЛИЈА И ФРАНЦИЈА СЕ НАЈЗАДОЛЖЕНИ ЗЕМЈИ: Бугарија и Естонија најмалку, еве што покажуваат податоците

КРИЗАТА ГО РАСТУРА ОВОЈ БРЕНД НА СПОРТСКА ОПРЕМА КОЈ ГО ОБОЖУВАМЕ: Гигантот отпушта вработени, а паѓа и вредноста на берзите

КРИЗАТА ГО РАСТУРА ОВОЈ БРЕНД НА СПОРТСКА ОПРЕМА КОЈ ГО ОБОЖУВАМЕ: Гигантот отпушта вработени, а паѓа и вредноста на берзите

Јаким Неделков: Легна зголемена плата за 12 отсто на сметките

Јаким Неделков: Легна зголемена плата за 12 отсто на сметките

Сопственичката на „Еурофарм“ ја презеде градежната компанија „Пелистер“

Сопственичката на „Еурофарм“ ја презеде градежната компанија „Пелистер“

Кој е директорот? Ќе добие 72.900 евра награда од фирмата со која раководи!

Кој е директорот? Ќе добие 72.900 евра награда од фирмата со која раководи!

Доларот зајакна петта недела по ред: Се смета дека каматните стапки ќе останат високи подолго од очекуваното

Доларот зајакна петта недела по ред: Се смета дека каматните стапки ќе останат високи подолго од очекуваното