Ќе има ли кадри на СДСМ во кабинетот на министерот за здравство?
КОЈ ЗАМИНУВА ЗАЕДНО СО ФИЛИПЧЕ: Д-р Јусуф Хасани е нов државен секретар во Министерството за здравство
Објавено во: Македонија 21 Декември, 2021
По зацврстувањето на парламентарното мнозинство, по
договорот со Алтернатива, меѓу останатите министерства, оваа партија го добива
и Министерството за здравство, а извори на Фактор брифираат дека освен Венко
Филипче, оттаму ќе замине целиот негов кабинет. Фактор се обрати до Министерството за здравство со барање одговори во однос
на овие прашања и оттаму ни потврдија дека од денеска функцијата државен
секретар ја презема д-р Јусуф Хасани, член на Демократска партија на
Турците на Македонија. Досега на
оваа позиција, од 23. февруари годинава беше назначена Иванка Стојаноски.
Инаку, се очекува утрепремиерот Зоран Заев да ја поднесе оставката од премиерската функција во Собранието, по што треба да почнат смените во високите функционерски и раководни места во Владата и институциите. Смените во позициите, како што пред извесен период изјави Заев ќе ги направи Димнитар Ковачевски, актуелниот лидер на владејачката СДСМ, откако деновиве од претседателот Стево Пендаровски тој треба да го добие мандатот да формира нова Влада.
-Во прашање е доведено дури и заменичкото место. Заменик-мистер за здравство треба да биде од редовите на СДСМ, но сега неизвесно станува кој ќе седне на местото на актуелниот заменик, Илир Хасани, особено откако од позицијата државен секретар на Министерството за здравство заминува Иванка Стојаноски. Исто така не се знае што ќе се случува и со Комисијата за заразни болести. Сите членови во оваа Комисија ги бира министерот, што значи дека тоа ќе биде задача на новиот министер, Беким Сали. Дали таму ќе има промени, засега не се знае. Но во време на епидемија таквите чекори би биле сосема погрешни, бидејќи тие луѓе се целосно упатени во ковид-состојбата, велат изворите на Фактор.
Инаку, Фактор пред повеќе од две недели, од свои сигурни извори објави дека за заменик-министер за здравство е предложен актуелниот директор на Здравствен дом-Скопје, д-р. Виктор Исјановски.
-За оваа функција е предложен д-р Исјановски пред се бидејќи е целосно упатен во ковид кризата во Македонија, а тоа би придонело за добро менаџирање со епидемијата на корона вирусот земјава. Но, како што ви реков, сега и ова е сосема неизвесно. Најверојатно ќе биде сменет цел кабинет на Филипче, но не со кадри на СДСМ, велат изворите на Фактор.
Инаку, откако Заев утре или евентуално следниве неколку дена ќе ја поднесе оставката во Собранието, во оставка ќе биде и цела Влада. Во новиот владин Кабинет веќе се изјаснија дека нема да учествуваат досегашните министерки за образование и за одбрана, односно Мила Царовска и Радмила Шекеринска. Новиот коалициски партнер, Алтернатива, го добива и заменичкото место во Министерството за образование, и за оваа функција веќе е предложен Љулзим Алиу.
Анита Буховски
Фото: ФБ