07 Октомври, 2022
0.0401

Која државна фирма на ЕСМ ќе му плаќа фиксно 200 евра за потрошен мегават струја?

Објавено во: Економија 13 Јуни, 2022

Добивај вести на Viber

МЕПСО на тендер, втор пат по ред, си избра ист снабдувач на струја! Тоа ќе биде фирмата-ќерка за продажба на поголемиот државен брат ЕСМ – државната компанија за производство на струја. МЕПСО за оваа услуга за пола година ќе си плати еден милион евра. Оваа струја по 200 евра мегават час ќе ја платиме пак сите ние – крајните потрошувачи, само индиректно. Затоа што МЕПСО е природен монопол во државна сопственост и неговите приходи ги утврдува државата преку РКЕ врз основа на трошоците за неговото работење. МЕПСО си има сопствен модел на плаќање, не ја „ферма“ берзанската цена на унгарската берза ХУПЕКС туку бара фиксна цена за потрошен мегават час. 

„Брат брата не храни, но тешко му кој го нема“, е народната мудрост врежана во нашата колективна меморија, која асоцира на солидарност и хуманост од најближниот во случаи кога маката и товарот се огромни и тешко подносливи.

Еве дочекавме и тоа - помалиот брат МЕПСО втор пат по ред ќе купи струја од ЕСМ и тоа по цена од 200 евра за потрошен мегават час. За да разјасниме, таа струја е за период од почетокот на овој месец, па до крајот на оваа година. Вредноста на струјата е еден милион евра со ДДВ. Струјата е наменета за сопствената потрошувачка на МЕПСО за шест месеци, и тука се вклучени дирекцијата на компанијата во центарот на Скопје и помалку од 20 трафостаници ширум Македонија со кои управува државниот оператор на електроенергетскиот систем.

Во договорот пишува дека цената на еден киловат час без ДДВ е 12 денари. Тоа значи дека цената на еден мегаватчас е 12.000 денари односно 200 евра без ДДВ. Во оваа цена не се вклучени трошоците за операторите на преносниот систем, на дистрибутивниот систем и на операторот на пазар на електрична енергија, сите три давачки кои ги регулира државната Регулаторна комисија за енергетика (РКЕ).

Вкупната прогнозирана количина во оваа набавка изнесува 3.173 мегаватчасови за овие шест месеци. Но договорот наведува дека МЕПСО не е обврзан да ја потроши целата количина која е прогнозирана во оваа набавка.

Ова е седми тендер што го добива ЕСМ Продажба за набавка на електрична енергија по пазарна цена од почетокот на оваа година до сега. Клиенти се државни органи, општини, јавни установи или државни претпријатија. Најголем клиент е Министерството за внатрешни работи чиј тендер е вреден 1,9 милиони евра и е склучен на крајот на април годинава. На крајот на мај и Општина Центар за свој набавувач ја избра фирмата ќерка на ЕСМ за вредност од 869.000 евра. ЕСМ, фирмата мајка, мора да продава по цена од 41 евро за мегаватчас, но фирмата ќерка ЕСМ Продажба може да наплати и 200 евра за истата количина. Таков е системот!

МЕПСО веќе ги користеше услугите на ЕСМ Продажба за покривање на сопствените потреби за струја во април и мај годинава. Плати исто како и во новиот тендер 200 евра за мегаватчас. 

Р.Ф.

Можеби ќе ве интересира

Се спојуваат МАКЕДОНИЈА Осигурување АД Скопје - Виена Иншуренс Груп со ВИНЕР Осигурување - Виена Иншуренс Груп АД Скопје

Се спојуваат МАКЕДОНИЈА Осигурување АД Скопје - Виена Иншуренс Груп со ВИНЕР Осигурување - Виена Иншуренс Груп АД Скопје

ВИСОКИТЕ ЦЕНИ НА СТАНОВИТЕ НЕ СЕ ИЗНЕНАДУВАЊЕ, но интересот за купување не стивнува, понатамошни осцилации не се очекуваат

ВИСОКИТЕ ЦЕНИ НА СТАНОВИТЕ НЕ СЕ ИЗНЕНАДУВАЊЕ, но интересот за купување не стивнува, понатамошни осцилации не се очекуваат

Норвешка испрати специјален брод за контрола на подморскиот гасовод до Германија

Норвешка испрати специјален брод за контрола на подморскиот гасовод до Германија

ПОКРАЈ ХРАНАТА И ЕНЕРГИЈА, ПОСКАПЕЛЕ И ВЕЛОСИПЕДИТЕ, МЕБЕЛОТ, ФРИЗЕРСКИТЕ УСЛУГИ.. ДЗС измери високи 18,7 проценти инфлација

ПОКРАЈ ХРАНАТА И ЕНЕРГИЈА, ПОСКАПЕЛЕ И ВЕЛОСИПЕДИТЕ, МЕБЕЛОТ, ФРИЗЕРСКИТЕ УСЛУГИ.. ДЗС измери високи 18,7 проценти инфлација

ЛУКАРЕВСКА: РАБОТОДАВАЧИТЕ НЕ ИСПЛАТИЛЕ ПЛАТА ЗА НАД 10 ИЛЈАДИ РАБОТНИЦИ, доцнат платите за август

ЛУКАРЕВСКА: РАБОТОДАВАЧИТЕ НЕ ИСПЛАТИЛЕ ПЛАТА ЗА НАД 10 ИЛЈАДИ РАБОТНИЦИ, доцнат платите за август

ДИЗЕЛОТ ПОСКАПУВА ЗА ТРИ ДЕНАРИ, маслото за домаќинства за дваипол, цените на бензините не се менуваат

ДИЗЕЛОТ ПОСКАПУВА ЗА ТРИ ДЕНАРИ, маслото за домаќинства за дваипол, цените на бензините не се менуваат

ЦЕНИТЕ НА ХРАНАТА НА СВЕТСКИОТ ПАЗАР ПАЃААТ ШЕСТИ МЕСЕЦ ПО РЕД, растителното масло поевтини за 6,6 отсто

ЦЕНИТЕ НА ХРАНАТА НА СВЕТСКИОТ ПАЗАР ПАЃААТ ШЕСТИ МЕСЕЦ ПО РЕД, растителното масло поевтини за 6,6 отсто

СИНДИКАТОТ КОНТРА ГАЗДИТЕ, БАРААТ ЈАСЕН СТАВ ОД ВЛАДАТА - да не „мавтаат“ со закани за отпуштање на работници поради кризата

СИНДИКАТОТ КОНТРА ГАЗДИТЕ, БАРААТ ЈАСЕН СТАВ ОД ВЛАДАТА - да не „мавтаат“ со закани за отпуштање на работници поради кризата

Мартенс: Останете и во иднина професионални како што сте досега, индустријата и стопанството пред нов предизвик

Мартенс: Останете и во иднина професионални како што сте досега, индустријата и стопанството пред нов предизвик