Која е најпрофитабилната македонска банка? Секој ден прави профит од 123.000 евра!
Објавено во: Економија 31 Октомври, 2022
Стопанска банка Скопје има раст на нето приходите од сите приходни ставки, а благодарејќи на оптимизацијата на расходите оствари добивка од 33,5 милиони евра за девет месеци. Со тоа го задржа приматот пред најголемиот аспирант НЛБ Банка која за овој период стигна до 33,2 милиони евра профит
Стопанска банка Скопје го задржува приматот на најпрофитабилна деловна банка воострата конкуренција со НЛБ Банка и со Комерцијална банка. Официјалните податоци од билансите на оваа банка покажуваат дека добивката за првите девет месеци годинава достигна 33,5 милиони евра. Тоа е за 300.000 евра повеќе од најголемиот конкурент – НЛБ Банка. Добивката на Комерцијална банка третиот во групата банкарски гиганти е 30 милиони евра.
Ако се изразиме со вокабуларот за успех на ученици, за првите девет месеци билансот на успех на Стопанска банка Скопје е со сите петки!
Банката бележи растови од сите приходни ставки. Прво и најважно нето каматите за овој период достигнале 49,6 милиони евра што е за 3,3 милиони евра повеќе од истиот период лани.
Второ, од нето приходи од надоместоци и провизии банката до крај на септември инкасирала 10,8 милиони евра, а тоа е за половина милион евра повеќе од претходната година.
Одличен раст има и кај останатите приходи од дејноста кои сега се повисоки за 3 милиони евра и изнесуваат 8,3 милиони евра.
Исто и од курсни разлики банката има одличен раст на нето приливите. Тие изнесуваат 2 милиони евра и се за 450.000 евра повисоки од претходниот споредбен период.
На страната на трошоците вредно за истакнување е тоа што банката за резервации издвоила 10,2 милиони евра што е за нијанса повеќе од лани. На своите вработени банката им платила 11,4 милиони евра во бруто износ, а тоа е за 620.000 евра повеќе од истиот период лани.
Работењето на банката резултира со добивка што е за 4 милиони евра повисока од истиот период лани.
Од билансот на состојба евидентно е дека банката го зголемила кредитирањето за приближно 90 милиони евра во период од девет месеци. Нивото на вкупни кредитни пласмани за корпоративни клиенти и домаќинства изнесува 1,36 милијарди евра.
Вложувањата во хартии од вредност на крај на септември се на ниво од 193 милиони евра што е за околу 7 милиони евра помалку од крајот на претходната година.
Нивото на депозити бележи мало снижување и изнесува 1,43 милијарди евра.
Р.Ф.foto freepik.com
Можеби ќе ве интересира
ЧЕТИРИ МАРКЕТИ ГИ ДОГОВАРАЛЕ ЦЕНТЕ: Поведена е постапка против овие продажни ланци во Србија
ЦЕЛАТА ДОБИВКА ЈА РЕИНВЕСТИРАМЕ, СТРАНСКИТЕ КОМПАНИИ СЕ ЧУДАТ КАКО ТАКА БРЗО СЕ РАЗВИВАМЕ: Сопственикот на „Актива“ раскажа зошто се толку успешни
ЕВТИНИТЕ ЛЕТОВИ ЗАМИНУВААТ ВО ИСТОРИЈАТА: Нискобуџетните авиокомпании во постојана еволуција - Новите промени можат да ги соборат традиционалните превозници
КОЛКУ ГОДИНИ ТРЕБА ДА СЕ „ПОТИТЕ“ ЗА ДА ДОБИЕТЕ ПЕНЗИЈА ОД ИЛАЈДА ЕВРА? Еве што велат бројките за 28, 37 и 45 години работа во Германија
КОГА ЌЕ ГИ ВИДИТЕ ПЛАТИТЕ И ТРОШОЦИТЕ ВО СЛОВЕНИЈА, ЌЕ СФАТИТЕ ЗОШТО Е СВЕТЛОСНИ ГОДИНИ ПРЕД НАС: Еве каков е животот таму
ВНИМАТЕЛНО: „Рејнар“ воведува новини кои можат да ве удрат по џебот!
ЌЕ СЕ СОЗДАДЕ АЛТЕРНАТИВА НА ММФ? Еве какво задолжение им даде Русија на членките на БРИКС
Претставници на Народната банка работеа на клучно истражување за македонската економија објавено од ММФ
ЕВЕ КАКО СЕ ЗАГРЕВААТ ШВЕЃАНИТЕ ЗА ВРЕМЕ НА ЛЕДЕНИТЕ ЗИМИ: А сепак не добиваат астрономски сметки за струја и парно
