Колку чини да се напиете кафе со шефот на Google?

Добивај вести на Viber

Наддавањето за можноста да се поминат неколку часа во друштво на ѕвезди од технолошката сцена веќе е тренд Поранешниот извршен директор на Google и актуелен претседател на одборот на директори Ерик Шмит учествува на аукција преку можноста да пие по едно кафе со некого во канцеларија на компанијата во Њујорк. Во моментов наддавањето стигнало до 9000 долари, но очекувањата се да скокне до најмалку 50 000 долари. Трката завршува на 14 август, па на оние кои сакаат да поминат околу час со Шмит им остануваат две недели, за да се вклучат. Добиените пари ќе одат за Rush Philanthropic Arts Foundation - организација која им помага на децата од градовите во нерамноправна положба. Наддавањето за можноста да се поминат неколку часа во друштво на ѕвезди од технолошката арена во донаторски цели стана тренд. Претходно оваа година неименувано лице плати 330 000 долари за ручек со главниот извршен директор на Apple Тим Кук. Минатата година, пак ручек со Ворен Бафет беше „продаден“ за 156 000 долари. Оваа година, сепак сумата урива рекорди - 2,17 милиони долари. За последните 15 години иницијативата има собрано над 16 милиони долари. Во првите години понудите за ручек со Бафет беа значително скромни - во 2000 година на пример тој чинеше 25 илјади долари. Следната 2001 година пак само 18 илјади долари. Во моментов се прифаќаат понуди за ручек со коосновачот на Snapchat Боби Марфи. Засега цената е 7500 долари. К.К.