Koлку време се чека во Македонија за вработување?
Објавено во: Економија 10 Декември, 2018
Колку време граѓаните ќе чекаат за вработување зависи од повеќе фактори, од професијата, дали активно или пасивно бараат работа, дали би прифатиле работа надвор од струката, како своите вештини и знаења ќе ги продадат на пазарот на труд.
Но, генерално во Македонија не е лесно да се најде работа. Има и примери кога луѓето со години бараат работа по завршување на образованието.
„Десет години поминаа откако завршив средно образование, но во тој период само една година работев во чевларство. Многу е тешко да се најде работа доколку човек нема пријатели“, вели Елена П.
Други пак сметаат дека да се најде работа е лесно, но условите се лоши.
„Во мај завршив со образование, а во јуни се вработив. Но, морав да ја оставам работата од приватни причини. Сега сум дома. Не е тешко да се најде работа, но газдите ги малтретираат работниците, им кратат од плата“, додава Јована Ристовска.
Според податоци на Агенцијата за вработување, најголем дел од евидентираните лица во земјава чекаат работа 11 месеци.
„Агенцијата за вработување на РМ обезбедува административни податоци за бројот на невработени лица во Република Македонија, односно води евиденција на невработени лица согласно законските прописи. Согласно горенаведеното, невработеното лице нема законска обврска да се пријави во Агенцијата за вработување како барател на работа. Со состојба на 31.10.2018 година во Агенцијата за вработување на РМ евидентирани се 91.485 невработени лица (активни баратели на работа) и 90.551 други лица кои бараат работа (пасивни баратели на работа). Според времето на чекање на вработување од 91.485 невработени лица, 36,2% (33.155) чекаат на вработување до 11 месеци, 35,4% (32.339) чекаат од 1 до 3 години и 28,4% (25.991) чекаат на вработување 4 години и повеќе“, одговараат од АВРМ.
Податоците на Државниот завод за статистика покажуваат дека невработеноста се намалува. Стапката на невработеност во Македонија изнесува 20.8%. Тоа е благ пад во третото тромесечје во однос на второто, кога имало невработеност од 21.1%.
Сања Атанасовска
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ИМААТ ДОЛГ КАКО ГРЦИЈА: Која европска земја се изедначи со јужниот сосед?
Средба на министерката Божиновска, со амбасадорот на Кралството Шпанија, Н.Е. Рафаел Сориано Ортиз
ДРАМА НА НЕБОТО НАД БЕЛГРАД - авион кој леташе за Подгорица се судри со јато птици, ова е исходот
Членовите на задолжителниот пензиски фонд на „Сава“ за еден ден станаа побогати за 3,5 милиони евра! Кој е нивниот добротвор?
ОД ЈАЈЦАТА ПА СЕ ДО МЕСОТО - нема производ без повисока цена
МАКЕДОНЕЦОТ СЀ ПОВЕЌЕ СЕ СТРЕМИ ДА СИ КУПИ НОВА КОЛА, АМА „ПОЛОВЊАЦИТЕ“ УШТЕ ЦАРУВААТ - еве со колку нови и користени возила се „подновивме“ годинава
ПЛАТИ ВО ИНДУСТРИСКИТЕ ЗОНИ: „Магна Мирорс“ и „Дура Аутомотиве“ со најдоброплатени работници
„ДОВЕДЕНИ СМЕ ВО СОСТОЈБА ЈАС И КОЦЕ ТРАЈАНОВСКИ ДА БИДЕМЕ НАДЗОР И ЕДНАШ НЕДЕЛНО ДА ИМАМЕ ТЕШКИ ДИСКУСИИ СО БЕХТЕЛ И ЕНКА“: Министерот Николоски, ексклузивно во „Бизнис муабети“ на Фактор
КОЦЕ ТРАЈАНОВСКИ СЕ ПОФАЛИ: Завршија градежните активности на трасата Страцин - Крива Паланка
