Колку време ве штитат антителата по прележан коронавирус?
Објавено во: Свет, Корона Вирус 03 Февруари, 2021
Доколку сте биле заразени со коронавирусот, половина година потоа сте безбедни.
Антителата штитат најмалку половина година од повторна зараза со коронавирусот, докажаа британски научници.
Организацијата УК Биобанк, која го направила новото истражување, тврди дека резултатите укажуваат дека во Британија постепено расте уделот на луѓе со антитела. Ако во мај и јуни тој број изнесувал 6,6 отсто, во ноември и декември скокнал на 8,8 отсто. Откриено е дека антителата на САРС-Ков-2 се најчести во Лондон каде изнесуваат 12,4 отсто, а најретки во Шкотска со 5,5 отсто. Се смета дека повторната инфекција ќе биде поретка појава во иднина.
Дури 99 отсто од анкетираните имаат антитела и три месеци по заразата со вирусот, а по уште пола година тоа било случај кај 88 отсто. Ова истражување даде резултати кои се поклопуваат со исходот од истражување направено во Исланд.Премиерот на Велика Британија, Борис Џонсон пак денеска изјави дека целосно затворање на границата за да се спречи ширењето на Ковид-19 не е практично решение.
foto freepik