Комерцијална банка АД Скопје го комплетираше купувањето на Тирана банк
Објавено во: Финансии 05 Март, 2019 06:47
Грчката "Пиреа банка" објави дека е комплетирана продажбата на 98,83% од акциите во нејзината албанска подружница, Тирана банка, на албанската инвестициона група "Балфин" и на Комерцијална банка АД Скопје.
Договорот ги доби потребните одобренија од надлежните регулаторни тела во Албанија, вклучувајќи ја и онаа од Централната банка на Албанија, како и од Грчкиот фонд за финансиска стабилност, се вели во соопштението.
Вкупната трансакција изнесува 57,3 милиони евра. Комерцијална банка, во берзанското соопштение во август објави дека Балфин ќе го поседува мнозинскиот удел во Тирана банка по купувањето. Тирана банка ќе продолжи да работи како посебен ентитет, додаде Комерцијална банка.
Основана во 1996 година, Тирана банка беше првата приватна банка која започна со работа во Албанија. Функционира со 39 филијали и 71 банкомати низ целата земја.
Инвестициското портфолио на Балфин изнесува 1,4 милијарди долари, со инвестиции во Албанија, Македонија, Косово, Босна, Црна Гора, Австрија и Обединетото Кралство. Комерцијална банка е најголем кредитор во Македонија, со средства поголеми од 1,7 милијарди евра.
Можеби ќе ве интересира
Ова се просечните годишни плати во европските земји: Разликите се огромни, еве зошто
Рекорд на сите времиња: Илон Маск е најбогатиот човек во човечката историја
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Голем скандал во автомобилската индустрија: Возачите плаќале повеќе, производителите на батерии казнети со 72 милиони евра
Димитриеска-Кочоска: Буџетот е во одлична кондиција и обврските нема да останат несервисирани
Европските индекси растат, цените на златото повторно се близу до историски максимуми
Рекорд на пазарот на недвижности: Пентхаус во Дубаи продаден за речиси 130 милиони евра
Дали се руши хрватскиот сон? Половина од платата оди за даноци, становите се прескапи, подобро е дома
„Ти си Балканец, ќе ни работиш за џабе“: Што навистина значи животот и работата во Швајцарска
