КОМИСИЈА ЗА ЗАРАЗНИ БОЛЕСТИ: Не е одобрено одржувањето на Галичка свадба, најголем проблем направија свадбите

Добивај вести на Viber

Годинава, наместо на големиот празник Петровден како што е традицијата, Галичка свадба е одложена за 28 август, поради пандемијата на Ковид 19. Документарниот материјал од Кинотека на Македонија е одлична можност да се потсетиме на обичаите и богатата содржина што Галичката свадба ни ги нуди како културно наследство, напиша претседтелот Стево Пендаровски на својот профил на ФБ.

Но, од Комисијата за заразни болести, на прашање на Фактор дали навистина манифестацијата е одложена за наредниот месец одговорија дека тоа не е одобрено.

- За нас воопшто не е важно која дата е избрана за одржување на Галичка свадба. Ние ја следиме епидемиолошктата состојба, која не е поволна во моментов за такви манифестации. Најголемиот  проблем го создадоа свадбите, заради масовните собирања имаме зголемување на бројот на заразени. Во светот сè е одложено, една Олимпијада која има традиција од 2000 години е одложена, така што не е трагедија ако Гличка свадба не се одржо оваа година, вели д-р. Сашо Стојанов директор на Центарот за јавно здравје и член на Комисијата за заразни болести.

Тој појаснува дека и самиот ден на изборите нема да биде ризик по здравјето на луѓето зошто сè ќе се одвива по протоколи.

- Ризикот некој да се зарази на денот на изборите е сосема ист како да сте влегле во некој од маркетите. Нема да има проблеми ако се почитуваат протоколите. Но, проблем може да биде ако некој вечерта одлучи да слави на плоштад. Значи, бројот на новозаразени се зголемува кога има масовни собири, потенцира д-р. Стојанов.

А.Б.