Комисијата даде зелено светло за одземање: За мандатот на Груевски ќе одлучуваат сите пратеници
Објавено во: Македонија 07 Ноември, 2018
Со 5 гласа за собраниската Комисија за деловнички и мандатно-имунитетни прашања одлучи да достави предлог за одземање на мандатот на пратеникот Никола Груевски пред пратениците.
По предлогот на Комисијата за деловнички и мандатно-имунитетни прашања за одземање на мандатот на пратеникот, Собранието води претрес на првата наредна седница, а претресот може да заврши со донесување одлука за одземање на мандатот на пратеникот или со заклучок дека нема елементи за одземање на мандатот на пратеникот.
За да му биде одземен мандатот на Груевски на Собранието му е потребно двотретинско мнозинство.
Сепак езивесно е дали за одземање на мандатот на поранешниот премиер ќе гласаат 80 пратеници, ако се знае дека пратениците од опозициската партија ВМРО-ДПМНЕ нема да гласаат за, а најголем дел од пратениците од независната пратеничка група предводена од поранешната министерка за култура Елизабета Канческа Милевска се изјаснија дека нема да гласаат.
Груевски најдоцна до 8 овој месец треба да се јави на издржување на затворската казна. Во петокот, Кривичниот суд соопшти дека судија за извршување санкции ја одбил молбата на Груевски за одлагање на казната.