Кому Данела ќе пишува писма? Градот Скопје за поштенски услуги ќе потроши до 580.000 евра!
Објавено во: Македонија 06 Февруари, 2024
Градот Скопје е рекордер по планирани, а веројатно и потрошени пари, за поштенски услуги во конкуренција на сите државни органи, јавни институции и единици на локалната самоуправа, покажуваат јавно достапните податоци. Според нив за минатата година и за годинава администрацијата под водство на градоначалничката Данела Арсовска за поштенски услуги издвоила над 1,1 милиони евра!
Градот Скопје ќе плати до 582.000 евра поштенски услуги за период од една година, покажуваат јавно достапните податоци на Бирото за јавни набавки каде е објавен тендерот. Овој тендер го добила државната Пошта која е единствената компанија што се јавила на тендерот на Град Скопје.
Споредбата на јавно достапни податоци покажува дека ова е најголем тендер за поштенски услуги според вредноста во конкуренција на сите државни институции. Слична сума Градот Скопје издвоил и на претходната набавка на услуги од државната Пошта. Договорот бил склучен во декември 2022 година, а неговата рамковна вредност била околу 570.000 евра.
Анализата на „Фактор“ покажува дека Градот Скопје и државното Јавно обивнителство се убедливо најголемите муштерии на државната Пошта. Со тоа што набавките на државното Јавно обвинителство се четири пати помали од тоа што го купува Градот Скопје од Пошта. Тоа го потврдува и листата достапна на следниот линк.
Интересно е тоа што за истата услуга претходната година Градот Скопје, кој е убедливо најголема единица на локална самоуправа во земјава, потрошил околу 570.000 евра. Сумата за новиот тендер покажува дека промени во количината на пратени и примени писма, пратки и пакети речиси и да нема. Односно и претходната набавка Градот Скопје ја реализирал со количества на писма, пакети и пратки кои се слични на тие што се барани во набавката со која градоначалничката Данела Арсовска и градската администрација и годинава ќе се „допишуваат“ со свои коминтенти.
Тендерската понуда на државната Пошта покажува дека пратките, писмата и пакетите се поделени во три категории и тоа е направено според масата (тежината) на пратките. Сите детали за тоа што ќе плати Градот Скопје на државната Пошта се на следниот линк https://e-nabavki.gov.mk/PublicAccess/home.aspx#/dossie-acpp/23eb4aa8-6f67-4211-8c50-88458a8050f3
Р.Ф.Можеби ќе ве интересира
ФАКТОР НА ДЕНОТ: Сиљановска-Давкова од Софија порача дека ќе трагаат по компромис, пред операта демонстранти ја пречекаа со пароли
(ВИДЕО) БУГАРСКИ НАЦИОНАЛИСТИ ЈА ПРЕЧEКАА СИЉАНОВСКА-ДАВКОВА ПРЕД ОПЕРАТА: Бараат права за Бугарите во Македонија
СРЕДБА ВО СОФИЈА: Радев ја пречека Сиљановска - Давкова без македонско знаме
СИЉАНОВСКА-ДАВКОВА: Ќе трагаме по компромисот без никој да се чувствува повреден и да мисли дека е заборавен
ОСОМНИЧЕНИ ЗА МИЛИОНСКИ КРИМИНАЛ: Полицијата приведе четири лица
ПОВИКА НА СМИРУВАЊЕ НА СТРАСТИТЕ: Радев вели дека политичарите во Македонија треба да се вратат во реалноста
Владата ги објави имињата на лицата за односи со јавност во министерствата
ГЛАВЧЕВ ЗА МАКЕДОНИЈА: Од наша страна нема желба за преговори затоа што нема за што да се преговара
„Кадрите на Села и Ахмети лажно ги бранат граѓаните од коцката, печалеле од бизниси со коцкарници“: Вреди велат ќе следува правда за сите
