Кондоминас пред апсење

Добивај вести на Viber

Грчкото Јавно обвинителство објави документ во кој детално се опишува како грчката Поштенска банка (ТТ) во периодот меѓу 2007. и 2012. година загубила над 400 милиони евра преку „гнили“ кредити, објавува Дојче веле. Обвинителите издале налог за апсење против повеќемина претприемачи и банкари, меѓу кои и Димитрис Кондоминас, еден од најпознатите бизнисмени и сопственик на едно од трите најголеми радио и телевизиски станици на Грција, Алфа, како и на еден од најголемите кино-синџири во земјата. Грчкиот бизнисмен Кондоминас е познат и во Македонија како сопственик на голем плац на централниот плоштад во Скопје каде треба да гради хотел. Во својата земја важи за контроверзен и мистериозен бизнисимен, а македонската канцеларија за правни совети “Транспаренси Македонија” тврди дека е вклучен во корупцискиот скандал за “Дојче телеком”, во 2011 година. Грчкиот бизнисмен имаше и земјиште кај хотелот “Александар палас”, каде што требаше да гради трговски и бизнис центaр, но идејата пропадна бидејќи голем дел од земјиштето беше вратено со денационализација, па подоцна парите за земјиштето му беа вратени. Грчките медиуми пак, неговите инвестиции во Македонија ги коментираа како политички обид на тогашната грчка власт, за промена на македонскиот став за спорот за името. Кондоминас во моментов се наоѓа на лекување во приватна клиника во Атина. Пред неговата болничка соба се наоѓа полиција.  Тој ги негира сите обвинувања против него.