КОРОНАВИРУСОТ ЈА ОДЛОЖУВА ВЕКОВНАТА ТРАДИЦИЈА: Викендов ќе нема Карневал во Струмица

Добивај вести на Viber

Се поизвесно е дека вековната струмичка традиција годинава нема да се одржи.

Последен збор сепак ќе има Владата која на денешната седница ќе треба да се изјасни околу Карневалите во Струмица и Прилеп кои се одржуваат со години за време на Прочка.

Традицијата која за миг внесуваше ведрина во градот и ги оттргнуваше мислите на луѓето од секојдневните грижи, во стилот на карневалот во Рио најверојатно ќе се одложи. Ова е и став на Општина Струмица од каде за „Фактор“ велат дека ја чекаат одлуката на Владата.

Причината за одложувањето е коронавирусот, а според досегашните препораки на надлежните се препорачуваше избегнување на одржување манифестации и јавни собири а ваков предлог има и од највисоката инстанца во системот за управување со кризи во државата Управувачкиот комитет.

 Во Прилеп за денеска напладне е закажана итна седница на Советот со единствена точка на дневниот ред – донесување одлука за откажување на 19-иот меѓународен карневал „Прочка 2020“.

Ова е превентивна мерка поради ситуацијата со коронавирусот, зашто на меѓународниот карневал требаше да има гости од повеќе европски и балкански земји.

Со одлуката ќе значи дека се откажуваат сите тридневни карневалски организациски активности: денешната изложба на маски, утрешниот детски и големото карневалско дефиле што требаше да се одржи в недела

И.С.