Корупциска афера во Турција: Министерски подарок – часовник од 240 илјади евра

Добивај вести на Viber

Турскиот министер за економија, Зафер Чаглајан,  прифатил „како знак на внимание" швајцарски часовник во вредност од 240.000 евра од ирански бизнисмен кој живее во Турција , соопштува „Тудејс Заман ". Во моментов, донаторот Реза Зараб е меѓу уапсените по мега скандалот за давање на мито за јавни набавки и перење на пари, кој ја тресе Турција. Според стенографијата, симната од записи со СРС , Чаглајан му рекол на Зараб дека нема да е лошо да му купи часовник Patek Philippe 5101G . Министерот се вљубил во мерачот за време на посетата на Женева . Зараб испратил свој потчинет во Земјата на часовниците и тој ја купил најскапата играчка за големи момци. Часовникот бил доставен на министерот на 25 септември 2013 година во 1 часот и 25 минути наутро на Онур Каја , личниот секретар на министерот . Записите од телефонските разговори го докажуваат барањето и добивањето на „подарокот" од министерот . На 24 септември 2013 година Онур Каја го прашува во телефонски разговор Зараб : " Кога ќе дојде нешто во Истанбул ? " . На што бизнисменот одговара: "планирам да го испратам во Анкара , не во Истанбул " . На кое секретарот на министерот одговара: "Нема проблем , и во Анкара е добро . Дури можеби е подобро . " Малку подоцна , пак на 24 септември , Мурат Јилмаз , еден од подредените на Зараб , се повикува на Емрах , човек од обезбедувањето на Чаглајан. Јилмаз вели: " Во Швајцарија сум , шефот ме испрати да купам таму нешто . Можам да бидам во Анкара околу полноќ. Сакав да стапам во контакт со вас за да се разбереме како да ви пренесам нешто. Патем , ако ви треба нешто друго од тука , за вас , за жена ви , за децата? " . Емрах одговара лаконски : " Добро , ќе земам нешто од тебе , во ред? " . SMS од Јилмаз до Зараб од 18 часот и 16 мин од 24 септември 2013 година гласи: " Г -дин Реза , ќе испорачам нешто на господинот преку неговиот личен телохранител 30 минути по полноќ. Само ве информирам" . Друг запис од разговорот помеѓу Зараб и Онур Каја од 25 септември 2013 година Зараб вели: " Г -дин Онур , за ваша информација нештото беше доставено на г- дин Емрах минатата ноќ . " . На ова Каја одговара: "ОК , нешто штотуку дојде до мене. Во торбата е, го разгледувам. Г -дин Реза , ви благодарам".