Косово бара помош, му се заканува хуманитарна катастрофа
Објавено во: Балкан, Корона Вирус 10 Август, 2020
На Косово му се заканува хуманитарна катастрофа.
Претседателот на Движењето Самоопределување, Албин Курти, испрати писмо до амбасадорите во земјата во кое бара помош по повод епидемијата на Ковид-19. Потсетувајќи дека неколку пати ги искажал своите ставови за пандемијата пред членовите на дипломатските мисии, Курти предупреди дека Косово се соочува со хуманитарна катастрофа, пренесува „Косово онлајн“.
Ги повикува да ги обезбедат здравствените установи во Косово со потребната медицинска опрема и со човечки ресурси за да се спречи здравствената криза да не се претвори во хуманитарна катастрофа.
Во последните 24 часа во Косово починале 14 луѓе од ковид-19, што го зголеми вкупниот број на смртни случаи на 341.