КОСОВО УТРЕ ГЛАСА: Кој се влегува во трка на изборите?

Добивај вести на Viber

Вонредни парламентарни избори ќе има утре во Косово. 

Политичките програми на партиите се со акцент на економските теми. Опфатени се и трите големи прашања, кои беа причина за гласање недоверба на владата на Иса Мустафа. Тука спаѓаат прашањето за демаркација на границата со Црна Гора, формирање на Заедница на српски општини и трансформација на безбедносните и вооружените сили на Косово. 

Главната улога во кампањата ја имаа поранешните лидери на  ОВК. Постои можност тие да одговараат новиот суд за воени злосторства. Аналитичарите сметаат дека идната политика на Косово ќе ја водат поранешните борци на ОВК кои ја направија политичката коалиција - Демократската партија, чиј лидер е Кадри Весели, Алијансата за иднината на Косово на поранешниот премиер Рамуш Харадинај, и Иницијативата за Косово НИСМА, кој ја предводи Фатмир Лимај. Сите тројца се водечки воени фигури, кои според аналитичарите, одамна се во политиката и речиси станаа експерти за изборни кампањи. Она на што најмногу се насочи кампањата беше контроверзниот и премногу исполитизиран договор за демаркацијата на границата со Црна Гора, кој најголем дел од партиите се обидоа да го искористат за добивање на гласови. Ова е едно од прашањата кои косовските власти го одлагаат и покрај притисокот од ЕУ, која бара Косово да го подобри и правниот систем и да се справи со криминалот и корупцијата, како услов за напредување кон кандидатурата за членство во Унијата.