Костадинов му се заблагодари на Мицкоски за парите за проектите: „Од срце му благодарам на мојот тим за посветената работа, но и на Владата и Премиерот“

Добивај вести на Viber

Градоначалникот на Струмица Костадин Костадинов, на неговиот фејсбук профил јавно и се заблагодари на владата и на премиерот Христијан Мицкоски за финансиската поддршка која ќе ја добие општината која тој ја раководи, за реализација на проекти на општините.

Струмица добива 6,5 милиони евра за неколку инфраструктурни проекти кои ќе го подобрат животот на жителите.

Костадинов објави и фотографија на која се гледа како тој се поздравува со Мицкоски.

„Денеска во Владата ги потпишавме договорите за стратешки важни проекти за нашата Струмица, со вкупна вредност од речиси 6.5 милиони евра.

Продолжуваме со уредувањето на каналот Крушевска Република,

 Инвестираме во станбени и сервисни улици,

 Обезбедуваме целосна инфраструктура околу новиот градски пазар, кој ќе биде најголем во Македонија.

Ова не се само проекти – ова се конкретни чекори за ново урбано лице на нашиот град. За повисок квалитет на живот, за поубава, поподготвена, похумана и поевропска Струмица.

Од срце му благодарам на мојот тим за посветената работа, но и на Владата и Премиерот, кои ја препознаа нашата визија и го валоризираа трудот што го вложивме“, напиша тој.