Костов: Боки 13 нема сериозно нарушување на здравјето
Објавено во: Македонија 08 Октомври, 2019
Директорот на Градската општа болница „8 Септември“, Христијан Костов, вели дека Бојан Јовановски нема сериозни нарушувања на здравсхето, откако првоосмничениот во „Рекет“ беше вратен назад во притвор во затворот во Шутка.
Боки 13 мина четири часа во болницата „8 Септември“ откако му се слоши пред да даде исказ кај обвинителката Вилма Русковска.
„По направените анализи врз пациентот, во кои не се констатирани посериозни нарушувања на здравјето, тој е пуштен од болницата“, изјави за СДК директорот Костов.
Шоуменот беше однесен со Брза помош од Обвинителството за организиран криминал и корупција а неговиот адвокат Сашо Дуковски веднаш потоа изјави дека тој не дал исказ затоа што повраќал.
Рокот за давање исказ истекува и нема информации дали Јовановски ќе добие прилика за тоа, бидејќи наскоро треба да биде изготвено обвинението по затворањето на истрагата.