24 Јануари, 2021
0.0181

КОСТОВ ПО СВЕДОШТВО ДЕКА ВО ГОБ „8 СЕПТЕМВРИ“ НЕ ПРИМААТ ПОСТАРИ ОД 70 ГОДИНИ: Не гледаме возраст, итно бараме места во другите ковид-центри, никој не е оставен

Објавено во: Македонија 23 Ноември, 2020

На социјалните мрежи беше објавен пост од ќерка на 76-годишна веќе почината пациентка,  која пишува дека нејзината мајка не ја хоспитализирале во ковид-центарот во ГОБ „8 Септември“ бидејќи била повозрасна. Таа во постот наведува:

-76-годишна жена, пациент на дијализа, позитивна на ковид, со пад на сатурација, висока температура и наод на плуќата, за што доктор претходно порача ИТНА ХОСПИТАЛИЗАЦИЈА, по извршената дијализа во ковид центарот во “8-ми Септември”, оставена е во ходник сама без никаква медицинска нега. Чека да ја донесеме дома. Зошто? Затоа што немало кревет за неа, креветот се чувал за некој помлад. Нормално, дома без соодветна терапија ситуацијата драматично се влошува. Утредента во полукоматозна состојба доаѓа брза помош (секоја им чест) но и тие уплашени, кажуваат дека не знаат каде да ја носат, во болница не им ги примале пациентите, особено постарите. На наше настојување докторката решава да се обиде да ја примат во “8-ми Септември” како нивен пациент. По 30 минутно чекање во комбето, докторката се враќа и ни кажува дека нема да ја примат, едноставно над 70 години не примаат во “8-ми Септември”. Сакаат да ја вратат дома, а сатурацијата е 60. На наше очајно инсистирање, сепак брзата помош се решава да се обиде на клиника. И таму чекање 30 минути во комбето, за на крај сепак да се смилуваат и да ја примат на гастро. Рекоа чекајте да дојде доктор и да ви земе податоци. Чекавме, 4 саати, доктор НЕ ДОЈДЕ, само се јавија да ни соопштаат дека починала.

По ова сведоштво, Фактор поразговара со директорот на ГОБ „8 Септември“, д-р. Христијан Костов кој вели дека ниту еден пациент не е оставен без соодветна грижа, и доколку има потреба од итна хоспитализација, а кај нив нема место, веднаш се препраќа во некој од другите ковид-центри.

-На целата мака со која се соочуваме деноноќно, има и луѓе кои ќе објават вакви потресни постови. Сепак, она што сакам да го истакнам е дека нема пациент кој дошол во болницата, а да не му биде укажана сета медицинска помош. Во случај кога нема место, имаме група на Вибер со останатите ковид центири, веднаш прашуваме каде може да се смести и пациентите веднаш ги трансферираме во другите болнички установи, односно ковид центри. Како и за сите останати итни пациенти, токму и за оваа пациентка имаме комуникација каде може да ја сместиме. Не е точно дека во ГОБ „8 Септември“ не примаме повозрасни пациенти. Најмладиот е 20-годишен во мометов, а најстариот, кој за жал не ја издржа битката со вирусот и утринава почина беше 72-годишен човек,  појаснува Костов за Фактор.



Истовремено, тој вели дека во моментов таму има хоспитализирано 109 пациенти. Осум се на респиратор, а тројца на сипап-апарат.

-Во ГОБ „8 Септември“ повторно се лекуваат најтешките пациенти болни од ковид. Ги носат од цела Македонија иако претходно биле хоспитализирани во болниците ширум земјава. Но, по влошување на нивната состојба, тамошните болнички установи ги праќаат тука. Секој пациент е темелно прегледан, направена е лабораторија, мерена е сатурација, се што е потребно. Ниту еден од нив, ниту пак оние од Скопје кои доаѓаат со возила на Итната медицинска помош не е оставен да чека или пак е вратен дома, вели д-р. Костов.

Истовремено, укажува дека можеби периодот што следи ќе биде уште потежок и дека најверојатно ќе има потреба од хоспитализација на поголем број пациенти, заради што апелира граѓаните доколку немаат потреба да не излегуваат од дома, контактите да ги сведат на минимум, а мерките за заштита задолжително да се почитуваат.

Анита Буховски

Можеби ќе ве интересира

ДВЕ ЗОЉИ, ТРИ ГРАНАТИ... - во близина на косовската граница пронајдено големо количество оружје од 2001 година

ДВЕ ЗОЉИ, ТРИ ГРАНАТИ... - во близина на косовската граница пронајдено големо количество оружје од 2001 година

ПОШТА СЕ ВРАЌА ВО ИГРА: Ќе бара помош од ЕУ да ја реконструира опожарената сала и да стане еколошка компанија

ПОШТА СЕ ВРАЌА ВО ИГРА: Ќе бара помош од ЕУ да ја реконструира опожарената сала и да стане еколошка компанија

Лага е дека клексанот не е на позитивната листа на лекови - МЗ го демантира пратеникот Милошоки

Лага е дека клексанот не е на позитивната листа на лекови - МЗ го демантира пратеникот Милошоки

ПОДЗЕМНА СООБРЌАЈНИЦА И ЧЕТИРИ 20 КАТНИЦИ - еве на што е ангажирана турската „Лимак“ на која и открија 97 непријавени работници

ПОДЗЕМНА СООБРЌАЈНИЦА И ЧЕТИРИ 20 КАТНИЦИ - еве на што е ангажирана турската „Лимак“ на која и открија 97 непријавени работници

ПОВИСОКА БРОЈКА НА ПРИЕМИ ВО БОЛНИЦА НА ЗАРАЗЕНИ ОД КОВИД - за едно деноноќие имало 24 хоспитализации

ПОВИСОКА БРОЈКА НА ПРИЕМИ ВО БОЛНИЦА НА ЗАРАЗЕНИ ОД КОВИД - за едно деноноќие имало 24 хоспитализации

Триста Македонци вчера го запоседнаа Врање - за еден ден отидоа пет автобуси, „епицентарот“ беше Лидл

Триста Македонци вчера го запоседнаа Врање - за еден ден отидоа пет автобуси, „епицентарот“ беше Лидл

Димче Арсовски до МЗ: Ако не е точно тоа што го кажа Брнабиќ, извинување барајте од неа, а не од нас

Димче Арсовски до МЗ: Ако не е точно тоа што го кажа Брнабиќ, извинување барајте од неа, а не од нас

АМЕРИКАНСКАТА АМБАСАДОРКА ПРЕЦИЗНА: Ветото на Бугарија носи бројни ризици

АМЕРИКАНСКАТА АМБАСАДОРКА ПРЕЦИЗНА: Ветото на Бугарија носи бројни ризици

КАКО ЌЕ ПРЕСЕЧЕ ПЕНДАРОВСКИ - за Законот за попис ќе праша правни експерти

КАКО ЌЕ ПРЕСЕЧЕ ПЕНДАРОВСКИ - за Законот за попис ќе праша правни експерти