Ковачевски: За консултации останува уште Собранието

Добивај вести на Viber

Премиерот Димитар Ковачевски по средбата со Христијан Мицкоски рече дека лидерот на ВМРО-ДПМНЕ барал услови за прифаќање на францускиот предлог кои немаат поврзаност со идентитетот и јазикот.

- Нашиот Устав предвидува граѓани кои се самоопределуваат на друг начин и може да побараат да ги има во Уставот. Тука се Бугарите, Црногорците и Хрватите, а и египќанската заедница е значајна заедница. Тоа е прашање кое треба сите 120 пратеници да го поддржат, рече Ковачевски по консултациите со претседателот на најголемата опозициска партија.

Тој не очекува дека опозицијата нема да гласа кога за отпочнување на преговорите со ЕУ ќе треба двотретинско мнозинство за отворање на Уставот и внесување на Бугарите во истиот.

- Во моментот кога ќе дојде да се одлучува за вклучување на овие граѓани во преамбулата на Уставот, очекувам дека сите ќе бидат на висината на задачата, подвлече шефот на Владата.

Од агендата на широката консултација, преостанале уште некои други опозициски партии и дискусија во Собранието.

- Сите тие услови што ги наметнува Мицкоски се однесуваат на работи кои не задираат во чистиот македонски јазик, во идентитетот , ниту во самобитноста од било кој аспект, одговори Ковачевски на прашањето дали за него условите од ВМРО-ДПМНЕ за поддршка се прифатливи.

По консултативниот процес, сите мислења ќе бидат доставени до Владата, по што Владата ќе ја донесе одлуката и како извештај ќе ја испрати до Собранието за прифаќање на францускиот предлог.