Добивај вести на Viber
Cо цел надминување на должничката криза, претседателката на Меѓународниот монетарен фонд, Кристин Лагард, денеска уште еднаш ги повика државите членки на еврозоната да го забрзаат предложеното воспоставување на банкарска унија.
„Ја сметаме еврозоната за прекрасен брод кој е изграден и подготвен за пловидба по мирно море. Се уште не е довршен и не може да се носи со бури“ - истакна Лагард во Париз.
Cпоред неа, многу работи се направени за да се воспостави банкарска унија.
„Владите не би требало да се потпираат исклучиво на благата монетарна политика на ЕЦБ кога е во прашање стабилизацијата на должничката криза во еврозоната. Од клучно значење се темелите на подобриот систем на управување чија банкарска унија е составен дел“ - рече Лагард.