Лавров: САД сакаат да доминираат во светот

Добивај вести на Viber

Намерата да се изолира Русија нема да успее бидејќи американската надворешна политика е застарена, истакна денес рускиот шеф на дипломатијата, Сергеј Лавров. „Слушаме од нашите западни партнери дека Русија мора да биде изолирана. Тоа го повтори и американскиот претседател Барак Обама. Ваквите тежнеења нема да имаат ефект“, истакнал Лавров кој упати повик до Вашингтон да продолжи со соработката која беше осуетена во 2014 година. „Повикуваме на продолжување на ефективната соработка на билатерално и интернационално ниво. Но, дијалогот единствено е возможен доколку се заснова на еднаквост и почитување на интересите на сите страни“, нагласил рускиот министер за надворешни работи. Според него прекунивањето на врските со нато не бил п руски избор. „НАТО ги следи САД и нивната конфронтација. НАТО направи апсолутна политичка одлука со која ја запре цивилната и воената соработка. Речиси сите проекти се замрзнати“, изјавил Лавров додавајќи дека Москва нема да дозволи нова „студена војна“. Коментирајќи го говорот на американскиот претседател Барак Обама, Лавров рекол дека тој покажува оти Вашингтон сака да доминира во светот и дека бара од сите останати да ја признаат неговата супериорност. „Американците се апсолутно некритични во проценките на сопствените чекори, а вчерашниот говор на Обама покажува дека врвот на нивната филозофија е „ние сме број еден“ и дека тоа сите треба да го знаат и прифатат“, истакнал Лавров, пренесува „Russia today“. Лавров „агресивната“ надворешна политика на САД ја окарактеризирал како застарена.