Лазим Дестани можен кандидат за прв премиер Албанец на Македонија

Добивај вести на Viber

Демократската унија за интеграција (ДУИ) се очекува денес да даде детали за идејата за албански премиер на Македонија и за можното откривање на кандидатот.

Лидерот на оваа партија, Али Ахмети, првично беше споменат како еден од можните кандидати за премиер, но како што дознава ИНА, идејата е кандидатурата да дојде од деловната сфера.

Неофицијално, се споменува името на добро познатиот тетовски бизнисмен Лазим Дестани на кој гледа како на можен кандидат, што Ахмети ќе го објави денес на прес-конференција, пренесува ИНА.

Сепак, сè што циркулира е во рамките на непотврдени неофицијални извори. Лазим Дестани сепак е добро позната личност во меѓународниот деловен свет со компанијата Еколог, но и активист и хуманист кој никогаш не бил вмешан во политичката сцена.

Но, сè ќе биде разјаснето денес од првиот човек на ДУИ, Али Ахмети, кој ќе има јавен настап. Шефот на кабинетот на Али Ахмети, Артан Груби, синоќа напиша дека денес ќе биде голем ден за Албанците од Македонија. 

„Голем ден не чека утре“, напиша Груби.

Идејата за албански премиер предизвика внатрешни политички дебати и несогласувања со опозициските партии во албанскиот блок, а тоа е неприфатливо ниту за претседателот на СДСМ, Зоран Заев, но има и поддршка за таков предлог од интелектуалци, креатори на јавно мислење и други јавни личности. (ВО)