ЛЕДЕНА ДОБА ВО ЕВРОПА: Од Арктикот од 3 Јануари кон Европа и Балканот доаѓаат екстремно ладен бран – многу снег, и под -30 степени, вели Попоски

Добивај вести на Viber

Почнувајќи од 3 Јануари, па во деновите потоа, вклучувајќи ги и Божиќните празници, но и деновите по 10 Јануари, штои значи дека станува збор за доста долг период, судејќи нормално според најновите излези на прогностичките модели, целиот Европски Континент, вклучувајќи го и целиот Балкан ќе биде заледен и зафатен од екстремно студен бран кој ќе се спушти од Арктикот кон Европа  и Балканот. Во Склоп со циклонски активности ќе има и чести и обилни снежни врнежи, на повеќе места во вид на снежно невреме, пишува метеорологот Славчо Попоски.

„На многу места низ Европа температурите ќе се спуштаат под -10, -15 степени, исто така во многу делови од континентот се очекуваат температури дури до , па  и под -20 степени, а понекаде дури и до -30, во Алпскиот регион и под -30 степени.

Покрај тоа што многу снег ќе има  и на Балканот, во вид на снежно невреме, и на Балканот температурите ќе бидат екстремно ниски и во делови од Балканот се очекуваат температури дури до околу, па  и под -20 степени, а локално и до околу, па дури и под -25 степени, односно близу -30 степени.

Секако ако вака останат работите  и во следните излези на прогностичките модели, треба да се подготвиме за уште еден нов Метеоролошки екстрем, овој пат низ цела Европа и Балкан, вклучувајќи ја  и Македонија.