ЛЕКОВИ, ИНСУЛИНСКИ ИГЛИ, КЛУЧЕВИ ЗА АВТОМОБИЛИ, ОБЛЕКА - цариниците со „полни раце работа“, еве што се заплениле

Добивај вести на Viber

Облека, обувки, лекови, медициснки игли, цигари.... ова се дел од производите кои царинските службеници и мобилните тимови на Царинската управа ги заплениле откако откриле обиди за нивно нелегално внесување или изнесување од нашата земја. 

Како што соопштуваат од Царинската управа, во текот на изминатата недела мобилен тим спречи обид за шверц на 2.220 парчиња лекови и тоа: таблети Jardiance од 25 мг – 780 парчиња, инсулин Sanofi Lantus Solostar 100 u/ml – 40 парчиња, таблети Xarelto 15 мг – 728 парчиња и таблети Eliquis 5 мг – 672 парчиња. Случајот е откриен во внатрешноста на државата кај патарината Романовце при контрола на автобус со турски регистарски таблички кој сообраќал на релација Турција-Косово.

Во слична ситуација пронајдени се и 1.100 инсулински игли, кои биле откриени од мобилен царински тим при контрола на автобус на влез во државата на граничен премин Табановце. Во автобусот кој сообраќал на релација Биелефелд – Струга пронајдени се и непријавени 57 термомотори и термостати за регулирање на подно греење.

Цариниците откриле и 183 клучеви за возила и 98 делови и уреди за декодирање на клучеви се откриени на Меѓународниот аеродром Скопје во патните торби на државјанка на Косово која допатувала со лет од Виена.

Наш сограѓанин сеобидел да внесе 123 парчиња автоделови, кои биле пронајдени под задното седиште и во просторот за резервна гума на комбе со бугарски регистарски таблички, на влез во државата на граничниот премин Делчево.

- Служба за мобилни скенери спречи обид за криумчарење на седум делови за моторна санка. Делото е откриено на влез во државата на граничен премин Табановце при контрола на  камион со македонски регистарски таблички, во којшто биле скриени деловите. 

Царински службеници на Меѓународен Аеродром Скопје во багажот на двајца романски државјани кои имале намера да отпатуваат со лет за Лондон открија 144 штеки цигари и 960 грама тутун.

Откриени се и 73 парчиња облека и обувки од страна на Службата за мобилни скенери, во патните торби на македонски државјанин при контрола на автобус на граничниот премин Табановце - соопштуваат од Царинската управа. 

Фото: Принтскрин/Царинска управа