Левица доби забрана да се рекламира медиумски пред изборите

Добивај вести на Viber

Левица свика прес - конференција на која објави дека е првата политичка партија на која и е забрането да се рекламира медиумски пред локалните избори.

,,Скандалот да е уште поголем - не само што ни се забранети државните пари кои по закон ни следуваат, туку и доколку би имале наши пари, ние ќе не можеме да се рекламираме, затоа што со едноставно пропуштање, односно неспоменување во четирите законски предвидени пакети, ние сме изоставени комплетно како да не постоимe на политичката сцена", појасни лидерот на Левица, Димитар Апасиев.

Апасиев рече дека ова е директна последица и пратен абер директно од премиерот Христијан Мицкоски преку неговиот,како што вели тој, подлизурко Зоран Трајчевски, директор на АВМУ, којшто на овој начин се обидува да ù ги скраи крилата на Левица.

,,Сакаме да им порачаме дека ова нема да помине, напротив, ќе има обратен ефект на бумеранг, бидејќи народот гледа како на една партија и се прави класична неправда! A во меѓувреме ние се екипиравме со адвокатски тим, ќе поднесеме ,акцио популарис', односно тужба со временa мерка за стопирање на ова упатство и бараме од Уставниот суд веднаш уште денес да се произнесе со временa мерка, затоа што не знам дали знаете - три случаи досега вакви имало и Уставниот суд прави финта, а тоа е дека кога поднесуваме ние претставка или иницијатива, тој го става актот за гласање во декември и констатира многу бегло дека актот повеќе не е во сила и нема што да оценува", потенцираше тој.

Апасиев додаде дека жалбата најверојатно ќе заврши во Стразбур, но за пресудата ќе треба да се чека две до три години.