Либерализацијата се одлага за да не поскапи струјата

Добивај вести на Viber

Се одложува либерализацијата на пазарот на струја, објави министерот за економија Ваљон Сарачини. Тој изјави дека процесот нема да стартува на 1 јули иако така беше предвидено, бидејќи анализите покажале дека доколку тоа се спроведе струјата ќе поскапи за 25% и за граѓаните и за компаниите. „Според анализите на Министерството за економија, секоја погрешна одлука, секоја забрзана одлука во оваа фаза, кога немаме точен и прецизен инпут од страна на сите релевантни фактори може да доведе до зголемување на цената на електричната енергија за граѓаните и тоа до 25%. Како министер, никогаш нема да дозволам да се случи такво нешто, имајќи предвид дека тоа може да има крајно негативно влијание и на развојот на економијата во земјата. Токму затоа верувам дека во овој момент потребни ни се по суштински анализи, вклучувајќи ги тука сите релевантни фактори. Затоа сакам да истакнам дека во моментов нема да има одлука од страна на Министерството за економија, ниту од страна на Владата во однос на тоа либерализацијата да стартува.