Лобисти сакаат Обама да ја укине забраната за извоз на сурова нафта

Добивај вести на Viber

Американскиот институт за нафта се потпира на прогноза, според која во 2016 година САД ќе произведува рекордно количество нафта на ден. Моќното лоби на нафтена индустрија на САД изјави подготвеност дека ќе го притисне Конгресот и администрацијата на претседателот Барак Обама да ја укине забраната за извоз на сурова нафта во 2014 година, бидејќи се очекува производството во земјата да биде рекордно во 2016 година, пишува CNBC. Извозот на американска сурова нафта е строго ограничен согласно одредба со 40-годишна историја. Администрацијата за енергетски информации на САД (Energy Information Administration, EIA) пишува во својата Годишна прогноза за енергетскиот сектор, дека појавата на фракинга, приносот на гас од шкрилци, дал нов живот на производството на сурова нафта, кој ќе се зголеми до 800 илјади барели на ден во текот на секоја година до 2016 година, кога ќе брои 9,5 милиони барели на ден. До 2019 година производството ќе биде рекордно - 9,61 милиони барели на ден, приближувајќи се кон постигнувањето од 70-тите години на дваесеттиот век од 9,64 милиони барели на ден. Во светлината на оваа прогноза, имајќи ги предвид препораките на министерот за енергетика Ернест Мониц и последните статии во весниците, кои повикуваат за промена на политиката сврзана извозот, од API сметаат дека сега е времето да се обнови дебатата со Конгресот и со администрацијата . Директорот во API Ерик Милито е подготвен да оствари разговори со голем број влијателни претставници на Сенатот. И иако претседателот има апсолутното право да ја укине забраната за извоз на нафта, според API е потребно да се обврзе и Конгресот, бидејќи претседателската наредба може да биде игнорирана од следниот шеф на државата. Лоби групата, исто така, тврди дека, ако му се обезбеди на светскиот пазар поширок пристап до американскиот сурова нафта, ќе се отвори и можност за извоз на полесните сорти чие производство исто така расте.   К.К